OLLO PIOLLO é un grupo musical creado no 2021 co fin de dar unha alternativa galega musical ao público infantil. Formado por músicos e animadores, OLLO PIOLLO logra que os seus concertos sexan divertidos e inesquecibles para todo o público.
Un grupo musical formado no ámbito educativo e de tempo libre que fai que conecten instantáneamente co público infantil.
A Nena está farta de ser o centro das mofas dos seus compañeiros, e por iso foxe da escola coa intención de non volver nunca máis. Na súa aventura topará co Xeadeiro, un ser máxico e vital, que a base de contos, adiviñanzas, xogos e cancións, devolveralle a autoestima perdida. Ensinaralle que dentro de cada un de nós agóchase un ser máxico, único e especial, e que só crendo nas nosas capacidades seremos quen de acadar todo o que nos propoñamos.
Tres cíngaros percorren o mundo co seu carromato contando vellas historias da cultura popular que removerán pesadelos nos incautos oíntes. Coincidindo co seu 20 aniversario, Teatro Ghazafelhos recupera un dos seus primeiros espectáculos de rúa. Co seu característico humor repasarán historias como as de A Cabra Montesina, As Lavandeiras, a Santa Compaña... A participación do público será imprescindible para poder representar estas historias para escagarriñarse. Un espectáculo cómico de rúa para todos os públicos.
PROCURA-SE PEPA A LOBA, POR TERRA E MAR
Ano 1890. Inauguración da taberna de Pepa a Loba. A súa gavela ó completo: Xan Quinto "o vello", Maninocente e Calamity Jane celebran este día tan esperado, mais... un cobizado tesouro agóchase moi perto e só ela sabe o segredo. Precisa da túa colaboración...ATRÉVESTE?
Trátase dun contacontos interactivo onde a danza e a música se funden coa natura, poñendo en valor a amizade e a perspectiva de xénero.
UN SACO DE CONTOS é un espectáculo de narración oral composto por unha selección de contos con temática variada e pode adaptarse a público infantil de distintas idades.
Os contos contados nesta sesión saen dun saco máxico cargado de historias que, libremente, vai regalando a cambio de recitados, trabalinguas, cantos, adiviñas...
Unha viaxe sobre a historia do noso mar a través de relatos reais e cantigas populares interpretadas en directo. Historias sobre naufraxios na Costa da Morte para lembrar as persoas que xa non están e para poñer en valor e visibilizar as que quedaron en terra: as viúvas, as orfas, as que socorreron... Para que as súas historias non caian no esquecemento. Unha peza escrita, producida e interpretada por Mariña Lestón.
Contos e cancións de tradición oral para crianzas. Que beben da nosa herdanza cultural e cos que semento as leiriñas das familias para que medren vizosas.
A Hortiña é unha peza orientada ao público de educación infantil ata segundo ciclo de primaria, un xeito máis ameno de achegarlles ese mundo das aves, os bosques, e o coidado do medio ambiente a través do dialogo, a participación e a mitoloxía.
ESPECTÁCULO: Porque conta cos elementos propios deste; historia,personaxes, atrezzo, vestiario, desenvolvemento escénico.
CONTO:Porque conserva ese formato de cercanía e comunicación.
OBRADOIRO: Porque o público participa e colabora, con este personaxe nas súas actividades de xardinaría e ornitoloxía entre outras.
Estabades agardando por unha gran festa e por fin chegou! Chega... PEQUE DISCO MOC MOC AND REMEMBER TEMAZOS 90-2000!!!
Con este espectáculo no que mesturamos música, circo e clown convertiremos nunha auténtica disco móbil infantil e familiar todo espazo ó que cheguemos.
Música, bailes, circo e humor nunha velada chea de sorpresas na que o DJ MeRe Clown fará gozar a nenos, nenas e maiores coa mellor música infantil, rock, hip hop, techno... ¡YES BABY!
Pablísimo, a compañía de narración oral, teatro de animación á lectura e teatro infantil do actor, dramaturgo e contador de historias Pablo Sánchez, cumpre 25 anos! As súas contadas, de pequeno e mediano formato, toman sempre como base a literatura infantil a través de contos clásicos, contemporáneos, e contos de creación propia. Contos sobre igualdade (Príncipas e princesos), contos feitos coas mans (Mans), contos con moitas palabras (O Paroleiro)... Todos os contos que se poidan imaxinar!
