"AWESOME!". Revista Rolling Stone
"NUNCA TAL VICHES". La Voz de Galicia
"PARECÍA UNHA CHAVALA NORMAL". Veciña
Conexións Có(s)micas enlaza premisas que non se conectarían en ningún outro cerebro.... ata que chega Diana!
Gayoso e Madonna? Benetton e o Carnaval en Cabo de Cruz? A trascendencia e os chocapics?
Unha hora de humor absurdo onde non faltan referencias á vida cotiá, feito coa enerxía dunha muller brava nacida á beira do mar.
Unha peza que nace con moito talento: Marcos Orsi na dirección, Xoque Carbajal na produción Diego Valeiras no vestiario, Culturactiva na distribución e o bo facer de Bandullo Azul.
……arrolada pola incontida forza do mar do Norte. A costa é acariñada pola auga e a terra sacudida polo vento que da tormenta emerxe…Amor-odio entre os que habitan a rexión e aqueles que o mar protexe. Demasiadas vidas nesgadas…,antigos pobos de pescadores que con cada naufraxio perderon algo que, aínda hoxe, senten perténcelles. A Selkie habita este mar…un espectáculo onde descubriremos a orixe da lenda do mar do norte…títeres, música e a historia de como unha nai e un fillo coñeceron o auténtico “O Amor Incondicional”
Comeza moi concentrado a poñer as súas mazas en movemento para que o público non lle dea tempo a pensar que o “Filete”, é tan só un “parlanchín”. Arriba os malabares, ao ceo soben as táboas do rulo e tan alto como a Luna chega o monociclo jirafa, pero creo mozos que o que nos fai sentir tan a gusto á beira deste pallaso, é que sempre queda cerquita de nós, que non busca as estrelas alá de lonxe, a anos luz, senón nas chiribitas dos nosos ollos, aquí, con humor, á cara.
Raio the Loubican, mitade lobo mitade can é un divertido e interactivo espectáculo de títeres no que un can faise coa atención de toda a platea contando a sua historia con música en directo, presentador e 3 técnicas de monicreques na proporción xusta como para sorprender e divertir por igual a maiores e crianzas !
Un charlatán chega á vila coa súa lingua afiada, os seus instrumentos afinados e seu posto de venda ateigado de remedios para todos os males.
Armado de retranca e coa sabedoría que dá percorrer todos os camiños, será quen de vender ao público menciñas que non necesitan a prezos que non poden pagar, cun catálogo infinito de solucións inútiles para problemas inexistentes, laretadas baleiras, melodías inventadas, pequenas grandes ilusións e contos de impostor. Porque o noso protagonista sabe sempre o que a xente quere escoitar.
Espectáculo de narración oral
Historias vivas recollidas para ser contadas de viva voz, aquí presentadas coma unha instantánea, coa humilde intención de que permanezan nalgún lugar. Contos de catro mulleres bravas do Morrazo, que levaron a vida que querían levar.
Narración oral contada desde o humor sen perder a perspectiva da memória histórica de catro mulleres revolucionarias no seu tempo. Historias de mulleres do Morrazo pero que ben poderían ser de calquera vila de Galicia.
Álex O’Dogherty: Palabras Mayores é un monólogo caseiro, directo e cheo de desbordantes chistes en lugares inesperados, onde o humorista xoga sen medida coas palabras —falando da súa perra, do seu propio funeral, dos ‘nazis boísta’ ou da intelixencia artificial— e mestura rap, romancero e música en directo. É un espectáculo caótico, libre, moi traballado, recoñecido pola súa enerxía e comicidade aguda .
Abián Díaz: Show Patético é un monólogo enérxico e sen filtros, onde o humorista fai rir ata facerche saír da sala por falta de aire. Con chistes inesperados e unha dobre tensión entre regresar ou non ao asento, aborda temas diversos mentres mantén unha intensidade cómica que provoca gargalladas constantes .
A Condesa Colorada e o seu axudante Leocadiof son viaxeiros chegados dende moi lonxe. A Condesa, unha coñecida contadora con fama internacional, disponse a narrar o seu relato preferido pero, ao abrir o libro, cae na conta de que o seu conto está cheo de buracos. Faltan palabras moi importantes. palabras como “ganapán”, “vagalume” ou “verme”. As palabras fuxiron da historia, borradas por falta de uso. Só utilizándoas de novo volverán ao conto.
