Esta obra para nenos a partir de 4 anos conta a historia da pequena Almendrita, que máxicamente naceu dunha flor e desexa coñecer o mundo. Mentres Almendrita dorme plácidamente no colo de mamá coxín, un sapo de xelatina lévaa ao río. Así é como Almendrita, na procura do camiño de volta á casa, vai coñecendo o mundo a través de singulares personaxes que a axudarán a confiar en si mesma e a se valorar tal e como é.
Os contos do chupete é unha sesión de contos para bebés na que se integran música en directo, literatura infantil, expresión dramática e tradición oral. A obra segue a historia de Bea e Paulo, que teñen un problema e é que o seu lobo leva chupeta e cada vez que llo intentan quitar, chora moito.
Nesta obra, os granxeiros non perden o tempo pensando nos cartos e sempre reparten o pouco que teñen con quen máis o precisa. Ata que un día unha pita chegou á súa granxa e puxo un ovo de ouro.
Elenco: Begonya Ferrer, Ramón Molíns, Albert García
Cancións: Ramón Molíns
Música: Richard Lacy, Philip Guyler, Lincoln Grounds
Culturactiva presenta aos cómicos Isabel Risco e Fran Rei en Retrincos de Castelao, un achegamento ao humor na obra do inmortal autor de Rianxo, figura fundamental da nosa historia. A través dos seus textos, con dirección de Diego Rey, fan un divertido percorrido polo traballo deste intelectual, achegándonos a súa enxeñosa e fascinante forma de ver a Galiza do seu tempo.
A protagonista deste espectáculo é Frida Kahlo. Ela vive unha fantasía, unha festa na que nos converte nos seus invitados e regálanos as súas cancións, bailes, dores, desexos e debilidades. Dános o seu ser máis profundo, delicado, complexo e contraditorio.
Esta obra é unha reflexión da vida que non se quere ou non se pode vivir.
Ademais, tócanse temas como o desamor, a soidade e os desengaños.
Director:Juan José Afonso
Versión e adaptación: Juan José Afonso
Axundate de dirección: Sofía Monreal
Reparto: Chusa Barbero,Emilio Gutiérrez Caba e Rocío Peláez
Marisol é unha moza inocente que presenta o tempo nun telexornal de gran audiencia, e que soña con ser actriz. Adolfo, o presidente da canle de televisión, é o seu amante, e está disposto a producir unha curtametraxe para que ela protagonice, e para o que contrata a un aspirante a cineasta para que a dirixa. O que non está moi claro é se quere que triunfe ou sexa un fracaso.
Neste espectáculo de danza e teatro Paula Quintana trae á actualidade ao presonaxe Dulcinea del Toboso, contando que foi dela e como sobrevive no presente tratando de esquecer o seu glorioso pasado.
José Sámano e Pentación espectáculos traen ao teatro esta adaptación da famosa novela de Miguel Delibes que, ambientada no ano 1966, conta como Carmen Sotillo acaba de perder ao seu marido Mario e, cando todos marchan, ela soa pasa a última noite mantendo un monólogo-diálogo no que descubrimos as súas personalidades e os conflitos do seu matrimonio.
Dirección: Josefina Molina
Reparto: Lola Herrera
No ano 2011 Nando López publicaba a novela La edad de la ira, que foi alabada pola crítica polo valor do autor ao tratar temas plémicos como a homosexualidade na adolescencia ou o acoso escolar.
Agora, o propio Nando fixo unha adaptación escrita para La Joven Compañía, onde ofrece unha mirada nova con respecto á novela orixinal, na que os adolescentes son os únicos protagonistas e nace como un canto á diferenza.
