Proxección do filme Las novias del sur:
Mulleres maduras falan do seu matrimonio, da súa primeira vez, da súa relación íntima coa sexualidade. Na repetición destes ritos ancestrais, a directora cuestiona a súa propia ausencia de matrimonio, de fillos, e con iso, unha cadea de relacións nai-filla que se extingue.
Encontro con Elena López Riera
Dous filmes rodados a mediados da década de 1920, que mostran a cidade tal como era nesa altura.
Dixitalizacións realizadas a partir dos materiais conservados na Filmoteca de Galicia e financiada pola Unión Europea, a través do Fondo Europeo de Desenvolvemento Rexional (FEDER), como parte da resposta da Unión Europea á pandemia da COVID-19.
Laura, Mira e Steffi, tres irmás de entre 7 e 15 anos, apáñanse elas soas tras o abandono da súa nai, pero cando os servizos sociais empezan a interesarse pola súa situación, a maior delas buscará unha substituta da figura materna.
Curiosa película de ritos de iniciación na adolescencia que subverte as convencións do xénero e que foi unha pequena sensación en festivais. Mellor dirección na sección Orizzonti de Venecia e mellor ópera prima no BFI London Film Festival, entre outras distincións.
Inès traballa nunha importante consultora alemá establecida en Bucarest. Leva unha vida moi ordenada ata que o pai irrompe nela e lle pregunta se é feliz, o que provoca na filla un cambio interno. O seu proxenitor non deixa de avergoñala e poñer patas arriba as súas rutinas baixo o personaxe ficticio de Toni Erdmann, un estrafalario alter ego co que se infiltra no seu día a día. Estorba, pero pode que sexa para ben.
Gonzalo Anaya, Enrique Banet e Ezequiel Méndez (responsable do mítico Cine-Club Universitario) fundaron e codirixiron dende Equipo 64 os seguintes documentais en 16 mm con patrocinio da Caja de Ahorros de Santiago: El Camino de Santiago; Malpica; Cuatro plazas, El Pórtico de Compostela ou Compostela. Tamén se elaborou un guión titulado Castelao que non chegou a producirse pola disolución do equipo; así como varios guións inéditos que están hoxe depositados na Filmoteca de Galicia.
Monsieur Cinéma (Michel Piccoli), exactor, director e produtor, ten case cen anos, mais non os aparenta. Actores famosos visítano a miúdo. Non lle preocupa a súa idade nin a era dourada, xa que é rico e feliz para sempre.
A piques de cumprir 40 anos, Jane Birkin reflexiona con Agnès Varda sobre a súa carreira. Mestura de entrevistas e secuencias onde Birkin ten liberdade creativa e interpreta diversos papeis, incluíndo unha musa clásica, Calamity Jane, unha femme fatale, a Jane de Tarzán, e Xoana de Arco.
Un monxe cunha túnica vermella atravesa as paisaxes urbanas e rurais de Washington D. C. Outro descoñecido tamén se move pola cidade. Non sabemos se segue ou non o monxe camiñante. A décima -e ata o de agora última- entrega da Serie do Camiñante (2012-2024) de Tsai Ming-liang estreouse no pasado Festival de Berlín.
Cléo, unha moza nos inicios da súa carreira como cantante, agarda os resultados dunhas probas que determinen posiblemente se ten ou non unha enfermidade mortal. Asistimos á súa espera, acompañada do transfondo da guerra de Alxeria, a partitura de Michel Legrand, secundarios como Jean-Claude Brialy e José Luis de Vilallonga e cameos de Anna Karina, Jean-Luc Godard e Eddie Constantine.
Mary-Jane é unha muller divorciada que ten dúas fillas. Na festa de aniversario da máis vella coñece a Julien, un rapaz de catorce anos, compañeiro de clase da filla.
