España, 2019
Dirección. Eloy Enciso. Guión: Eloy Enciso; textos de Max Aub, Luís Seoane, Alfonso Sastre, Ramón de Valenzuela, Jenaro Marinhas del Valle, Rodolfo Fogwill, José María Aroca e Ángeles Malonda. Intérpetes: Misha Bies Golas, Celsa Araújo
Sinopse: Durante a posguerra española, Anxo regresa á súa aldea no interior de Galicia. Alí crúzase con outros personaxes, gañadores e vencidos dunha España dividida
A Fundación Carlos Velo e o Liceo de Ourense organizan o I Foro Carlos Velo, cun ciclo de cine e posterior coloquio, esta vez moderado por Armando González.
O ciclo incluirá as seguintes longametraxes rodadas en galego: Longa noite (Caldas de Reis) Arima (A Rúa, Tui e Baiona) Trote (O Porriño e Pantón (en colaboración co Consorcio de Turismo Ribeira Sacra) ) O que arde (A Estrada e Mos) Eroski Paraíso (Negreira) Alí onde se proxecte Arima, o público contará coa presenza da directora do filme, Jaione Camborda, con quen se establecerá un coloquio. No resto dos casos, haberá dobres pases da película.
O pobo de Saint Sévère disponse a celebrar unha gran festa. As rúas engalánanse con bandeiras, a terraza do café está preparada para o gran baile popular. Mentres reparte o correo, François, o carteiro, desexoso de axudar aos feirantes, monta con moito heroísmo a cucaña, pero só consegue provocar catástrofes. No documental que proxectan na carpa do cinema, François ve un novo sistema para repartir o correo e decide probalo. Á mañá seguinte, cando o pobo esperta tras a festa, o carteiro reparte o seu correo á americana.
Romina volve á casa familiar despois de ser nai. Afastada do pai de Ramón, o seu fillo, refúxiase na casa da súa nai, Mónica. Alí vese mergullada na temporalidade da súa nai, dela como filla, e tenta dilucidar que desexa. De visita en Buenos Aires, Romina dá clases de alemán, tenta retomar a súa vida de solteira, saír de noite. Quere saber como era antes da experiencia do amor ao seu fillo. Precisa comprender quen é, retornando ás súas orixes e reconstruíndo algo da historia familiar. Debut na dirección da escritora, dramaturga e actriz Romina Paula.
Nunha vila da costa galega o tempo semella terse detido. Toda as persoas están paralizadas aínda que as súas voces poden oírse: falan de pantasmas, de meigas, de monstros. Ao lugar chegan tres mulleres buscando ao Rubio, un mariñeiro da vila que desapareceu no mar.
Lena está embarazada de sete meses e completamente segura de que quere vender o bebé que está no seu interior. Ermanno decide finxir que el é o pai. Fabio, o tío de Ermanno, pagará o diñeiro que ambos piden para adoptar o fillo que tanto el como a súa muller Bianca non poden ter. Nun mundo no que o único que importa son os cartos, tanto Lena como Ermanno comezan a entender que existe algo máis importante que elas mesmas polo que loitar e que, tras moito tempo, están comezando a converterse en aquilo que só finxían ser.
O xefe de policía do bosque Gordon está a piques de retirarse e debe atopar un novo asistente. Paddy, unha ratiña intelixente cun gran sentido do olfato parece ser a candidata axeitada. Xuntos teñen que resolver o último caso de Gordon: o misterio das landras do esquío desaparecidas. Podería ser a raposa quen as levou? Gordon e Paddy descubrirano de contado.
Un filme sobre a amizade entre xeracións, o intercambio de coñecementos e a importancia de non tirar conclusións antes de tempo.
En 1992 suceden en España dous eventos fundamentais: os Xogos Olímpicos de Barcelona e a Exposición Universal de Sevilla, vinculada á celebración do V Centenario do Descubrimento de América. Dez anos despois da subida ao poder do PSOE de Felipe González, España aparece ante a comunidade internacional como un país efervescente, moderno e civilizado. Unha futura potencia económica mundial.
A Terra, ano 2084. Doug Quaid, un home que leva unha vida aparentemente tranquila, vive atormentado por un pesadelo que todas as noites o transporta a Marte. Decide entón recurrir ao laboratorio de Recall, unha empresa de vacacións virtuais que lle ofrece a oportunidade de materializar o seu soño grazas a un forte alucinóxeno, pero a droga fai aflorar á súa memoria unha estancia verdadeira en Marte cando era o máis temido axente do cruel Coohagen.
