O 5 de xullo de 1984 Maradona chega ao Nápoles nun traspaso récord. Durante sete anos desatouse a loucura. A icona máis famosa do fútbol e a cidade máis ardente e perigosa de Europa forman un cóctel perfecto.
Gústeche o fútbol ou non, Kapadia logra que che interese. Cinema feito coa man de Deus.
Biopic sobre Herman Mankiewicz, guionista de "Cidadán Kane", que repasa o proceso de rodaxe da obra mestra de Orson Welles dirixida e estreada en 1941.
Filmada nun impresionante branco e negro, 'Mank' amosa a Hollywood nunha ampla gama de grises. Liderada pola incrible interpretación de Oldman, o filme é intelixente e sofisticado (...) e está entre o mellor de Fincher.
Esta é unha carta de amor dunha nai á súa filla. O filme conta a historia da vida de Waad Al-Kateab ao longo de cinco anos de guerra en Alepo, Siria. Durante estes cinco anos namora, casa e dá a luz a Sama, mentres un conflito catastrófico se levanta ao seu redor. A súa cámara captura historias incribles de perda, risas e supervivencia mentres Waad decide se fuxir ou non da cidade para protexer a vida da súa filla, cando irse significa abandonar a loita pola liberdade pola que xa sacrificou tanto.
Portugal, 2019
Dirección: Pedro Costa. Guión: Pedro Costa, Vitalina Varela. Fotografía: Leonardo Simôes. Intérpretes: Vitalina Varela, Ventura
Sinopse: Vitalina aterra en Lisboa tres días despois do funeral do seu marido Joaquim
España, 2019
Dirección. Eloy Enciso. Guión: Eloy Enciso; textos de Max Aub, Luís Seoane, Alfonso Sastre, Ramón de Valenzuela, Jenaro Marinhas del Valle, Rodolfo Fogwill, José María Aroca e Ángeles Malonda. Intérpetes: Misha Bies Golas, Celsa Araújo
Sinopse: Durante a posguerra española, Anxo regresa á súa aldea no interior de Galicia. Alí crúzase con outros personaxes, gañadores e vencidos dunha España dividida
A Fundación Carlos Velo e o Liceo de Ourense organizan o I Foro Carlos Velo, cun ciclo de cine e posterior coloquio, esta vez moderado por Armando González.
O ciclo incluirá as seguintes longametraxes rodadas en galego: Longa noite (Caldas de Reis) Arima (A Rúa, Tui e Baiona) Trote (O Porriño e Pantón (en colaboración co Consorcio de Turismo Ribeira Sacra) ) O que arde (A Estrada e Mos) Eroski Paraíso (Negreira) Alí onde se proxecte Arima, o público contará coa presenza da directora do filme, Jaione Camborda, con quen se establecerá un coloquio. No resto dos casos, haberá dobres pases da película.
O pobo de Saint Sévère disponse a celebrar unha gran festa. As rúas engalánanse con bandeiras, a terraza do café está preparada para o gran baile popular. Mentres reparte o correo, François, o carteiro, desexoso de axudar aos feirantes, monta con moito heroísmo a cucaña, pero só consegue provocar catástrofes. No documental que proxectan na carpa do cinema, François ve un novo sistema para repartir o correo e decide probalo. Á mañá seguinte, cando o pobo esperta tras a festa, o carteiro reparte o seu correo á americana.
Romina volve á casa familiar despois de ser nai. Afastada do pai de Ramón, o seu fillo, refúxiase na casa da súa nai, Mónica. Alí vese mergullada na temporalidade da súa nai, dela como filla, e tenta dilucidar que desexa. De visita en Buenos Aires, Romina dá clases de alemán, tenta retomar a súa vida de solteira, saír de noite. Quere saber como era antes da experiencia do amor ao seu fillo. Precisa comprender quen é, retornando ás súas orixes e reconstruíndo algo da historia familiar. Debut na dirección da escritora, dramaturga e actriz Romina Paula.
Nunha vila da costa galega o tempo semella terse detido. Toda as persoas están paralizadas aínda que as súas voces poden oírse: falan de pantasmas, de meigas, de monstros. Ao lugar chegan tres mulleres buscando ao Rubio, un mariñeiro da vila que desapareceu no mar.
