Proxección audiovisual

Manuela, unha mineira que sofre o rexeitamento dos demais por ser medio meiga, decide roubar aos nazis para tratar de curar a súa filla enferma. Nesta aventura, conta coa axuda de Candela, a súa irmá pequena. Dúas mineiras galegas foron quen de mudar o curso da historia durante a Segunda Guerra Mundial (1939-1945). A película está ambientada nas minas galegas de volframio que foron explotadas polos nazis durante a guerra e inspíranse libremente en feitos, historias e personaxes reais.

 Unha ficcion con tinguiduras biograficos que nos retrotrae aos anos oitenta, cando un grupo de amigos múdanse a Liverpool a comezar unha nova vida. Amizade, fascinacion, liberdade, nocturnidade e espi?ritu punk dominan este trepidante filme alleo a calquera tipo de nostalxia.

Tras o final dunha aventura amorosa, o artista expresionista Oskar Kokoschka alístase como soldado durante a Primeira Guerra Mundial. Despois de sufrir graves lesións na batalla, experimenta unha serie de recordos e visións mentres os médicos transpórtano a través dos bosques da fronte rusa. Inspirado na vida e a arte de Oskar Kokoschka (1886-1980).

O dispositivo é unha investigación escénica sobre a política da mirada en relación ao noso corpo, ao noso espazo, á nosa linguaxe, e na relación do que observa co que executa. As preguntas que nos van xurdindo nun primeiro estadio son: onde se deposita unha mirada? Que significa ese depósito? A canto obriga?; é tamén un percorrido pola pel, un estar nun tempo e nun corpo e nun espazo, un seguir estando. Un absurdo imaxinarse estando.

Diario íntimo dunha muller de clase acomodada ilustrado polas filmacións caseiras do seu marido, un rico industrial que filmou a súa vida cotiá entre os anos 40 e 60 do século pasado. A película é tamén un melodrama clásico ao estilo Douglas Sirk ou Todd Haynes, cos sentimentos a flor de pel. Unha viaxe a través da vella Europa. Unha ilusión romántica.

O mundo é algo estraño, alleo a todas as miñas emocións. Un alien é unha persoa estranxeira, allea ou excluída. Na cultura popular é un habitante pertencente a outro planeta. Tesa Arranz, figura clave da Movida Madrileña e cantante do grupo Zombies, pintou cincocentos retratos de alieníxenas do espazo exterior na última década. Por outra banda, ?EL Futuro? conta a historia dun grupo de mozos bailan e beben nunha casa. A atmosfera é festiva e alegre. A vitoria do PSOE nas eleccións xerais de 1982 parece recente e a noite está contaxiada dun espírito de euforia e celebración.

Veciños, novos e desempregados falan no interior dun bar entre cigarros, almorzos e aperitivos. Lembran soños insólitos, comparten preocupacións laborais e proxectan plans de futuro. O bar atópase na cidade de Cartaxena, no suroeste do país. A medida que avanza a xornada escóitanse cada vez máis preto, os disturbios da crise industrial do 1992.

No 1904, Ësáasi Eweera, un dos últimos líderes bubis que se opuxeron ás autoridades españolas na illa de Fernando Poo (territorio pertencente á actual Guinea Ecuatorial) foi detido por gardas coloniais e levado pola forza a Santa Isabel, capital da colonia. Encarcerado e gravemente ferido, Ësáasi Eweera morreu tres días máis tarde. A súa aldea foi incendiada e moitos dos seus habitantes desapareceron.

Escondido, California, 1994. É o final do verán e Gene prepárase para a última festa de pixamas de misterio e asasinatos dos seus amigos do instituto. Rose, a teatral anfitrioa, collerá un voo pola mañá para empezar a súa etapa universitaria. Tras ela marcharán a seria Claire, o magnético Óscar e a sarcástica Ally.

Durante o período de duelo vital motivado pola ruptura sentimental coa súa antiga parella, Carmen, unha nova artista e bailarina, viaxa con tres colegas a un pazo pertencente á familia de Bioy Casares, onde tentará fuxir da súa dor mergullándose na creación dunha nova obra.