España, Portugal, 2020
Dirección: Alfonso Zarauza. Guión: Jaione Camborda, Alfonso Zarauza. Intérpretes: Melania Cruz, Antonio Durán "Morris", Xúlio Abonjo
Sinopse: Vicente e Mariña chegan para pasar o verán a Ons: el vén dun accidente e as súas consecuencias psicolóxicas, e a viaxe ha de ser un bálsamo para o seu matrimonio
Francia, 1983
Dirección e guión: Éric Rohmer. Fotografía: Néstor Almendros. Intérpretes: Amanda Langlet, Arielle Dombasle, Pascal Greggory
Sinopse: Pauline, unha moza de 15 años, pasa o verán coa súa prima Marion. Na Francia atlántica, Marion atopa a Pierre, un antigo amigo namorado dela.
Francia, 2020
Dirección e guión: Gaspar Noé. Fotografía: Benoit Debie. Intérpretes: Charlotte Gainsbourg, Beatrice Dalle
Sinopse: Charlotte Gainsbourg acepta interpretar unha bruxa lanzada á fogueira na primeira película dirixida por Beatrice Dalle
Esta nova versión dixital en 2K de Jeune femme à sa fenêtre lisant une lettre foi realizada en Elías Querejeta Zine Eskola (EQZE) a partir da película orixinal en Super 8 e forma parte dun proxecto de investigación integramente desenvolto por un equipo de estudantes e profesorado do centro.
«Se se asomaba pola xanela, se facía ese movemento, se se arriscaba a caer ou deixar caer a cámara, se se inclinaba ata caerse, entón vería, veriamos, máis aló do marco, as illas habitadas, as igrexas e os palacios onde os barcos van atracar». Jean-Claude Rousseau
A estrutura desta película de Rousseau aparece inspirada na sextina, a estrofa poética máis difícil para os poetas da Baixa Idade Media e o Renacemento, e o relato que orbita ao redor dos bloques de imaxes e sons que a conforman podería ser equiparable ao dunha gran historia de amor, como a de Laura e Petrarca. Filmada durante once anos de visitas a Fontaine-de-Vaucluse, xustamente onde residiu e escribiu parte da súa obra Petrarca, consuma o sistema xeométrico-erótico da obra de Rousseau. O cineasta agrupa as sete bobinas en 12 leccións de xeografía.
Premio Mestre Mateo á mellor webserie. Nada como proxecto no Festival Carballo Interplay 2019, unha enxeñosa, audaz, áxil e versátil proposta. Lucía Estévez e o guionista/actor Miguel Canalejo exploran as peripecias nas que se ve envolvido un personaxe introvertido e apocado, Xan. Tres episodios, que tiveron a súa continuidade en Xan e a historia (outras tres entregas xa proxectadas en datas recentes na Filmoteca de Galicia) cheos de humor, independentes entre se e moi divertidos.
Premio Mestre Mateo á mellor curtametraxe de animación, un prestixioso documental producido por Chelo Loureiro e feito de pequenos relatos femininos, cada un cunha animación definida, onde o corpo toma o protagonismo. A través destas historias, Camila Kater fálanos das mutacións na puberdade, a aceptación do corpo á marxe dos modelos de beleza, a transexualidad nas mulleres negras, a menstruación e a muller na terceira idade.
Xoves de comadres é unha curtametraxe, dirixido por Noemí Chantada e producido por Islandia Producións, de longa e exitosa traxectoria. Uns instantes nunha vida. Un relato impregnado de naturalismo cotián. Premio Mestre Mateo á mellor curtametraxe.
Estrea da cuarta longametraxe de Margarita Ledo, precedido pola magnífica acollida no Festival de Sevilla, poucos títulos contemporáneos amalgaman con tanta nitidez a esixencia coa pertinencia.
