Proxección audiovisual

A finais dun alternativo século XX, Jean, un antropólogo holandés e a súa muller Eva aceptan a oferta de Narciso, un millonario comunista que os convida a aventurarse na natureza patagónica para estudar a lingua dos dous últimos indios yachanes. Rodada en Holanda en seis linguas distintas (incluída unha inventada) e aproximadamente nunha semana e sen guión, O teito da balea, é unha sátira do imperialismo cultural, a antropoloxía e a lingüística, achegándose desde a fábula a conceptos como a alienación, o etnocentrismo ou a apropiación cultural.

A nostalxia e o recordo son os sentimentos sobre os que se constrúen Un’ora sola ti vorrei. En ton de documental, Alina Marazzi emprega as secuencias gravadas polo seu propio avó para reconstruír o recordo da súa nai, que se suicidou cando ela tiña tan só sete anos. As imaxes das películas domésticas gravadas en 16 mm descubríronlle á directora a idea dunha nai que non coñeceu. A historia entrelaza a lectura de cartas e diarios da nai e os rexistros médicos dos centros de repouso onde pasaba longas tempadas.

Nos primeiros anos da ditadura franquista, Clara Pueyo Jornet, militante do Partido Comunista, foxe da prisión de Les Corts de Barcelona pola porta principal. Nese momento a súa pegada pérdese para sempre. Vivira en constante fuga e pretendía fuxir tamén da rixidez do seu propio partido. A súa historia é tamén a historia das mulleres da súa época e da súa loita pola liberdade nunha sociedade que tentou reprimilas.

Un escritor que cría escribir sobre o futuro, en realidade estaba a escribir sobre o pasado. Na súa novela, un misterioso tren saía de cando en vez con dirección ao ano 2046. Dicíase que no 2046 nada cambiaba. Ninguén sabía a ciencia certa se iso era verdade, porque ningún dos que viaxaron regresou xamais. Con unha excepción. El estivo alí. Marchou voluntariamente. Quería cambiar.

Este Xoves 25 de Marzo, ás 19:30 horas, proxectarase no Auditorio Municipal de Nigrán a película de ?As Nenas? da directora Pilar Palomero, gañadora do Goya a Mellor Película deste ano. Ademais, como xa é habitual, a longametraxe contará cun coloquio posterior moderado por Alfonso Castaño.

A Mostra Internacional de Cinema Etnográfico (MICE) do Museo do Pobo Galego celebrará do 6 ao 10 de abril en Santiago de Compostela, co apoio da Xunta de Galicia, a súa 16ª edición cunha carteleira de películas e actividades paralelas centradas en dar a coñecer os últimos e máis salientables traballos que se están a facer no eido da antropoloxía visual.

Presentación do vídeo A casa construída por todas as mulleres, un documental que relata os inicios da Casa da Muller ata a actualidade. 

Versión elíptica e crepuscular da Odisea de Homero. A Penélope desta historia chámase Carmen, ten o carácter dunha xeración dura pero sentida, e espera en Santa María de Oló. O Ulises é Ramón, que regresa ao pobo tras trinta anos de ausencia. Un último viaxe cuxo fin, máis aló do vivido, é o regreso a unha patria e a un modo de vida que se extinguirá con eles. 

Na noite do 24 ao 25 de abril de 1974, suboficiais do exército portugués inician unha sublevación contra a ditadura de Oliveira Salazar. A súa xesta pasará á historia como "a revolución dos caraveis". A película recrea a historia do capitán Salgueiro Maia, un dos protagonistas do levantamento militar.

Maria atópase atrapada entre dous mundos. No colexio, esta moza de 14 anos, ten os típicos intereses dunha adolescente, pero cando está na súa casa debe seguir os ditados da Sociedade de San Pío X e a súa tradicional interpretación do catolicismo. Todo o que Maria pensa e fai debe ser examinado ante Deus.