Durante un permiso carcerario, Sailor visita a súa moza Lula e ambos deciden fuxir a California. A nai da rapaza, que se opón a esta relación, ponse en contacto cun mafioso para que elimine a Sailor. En realidade, quere desfacerse del porque o mozo presenciou como ela e o seu amante asasinaban o seu home. A fuxida de Sailor e Lula vai acompañada de turbios acontecementos e sórdidas lembranzas.
Poder, diñeiro e sangue: estes son os valores aos que os habitantes das provincias de Nápoles e Caserta teñen que facer fronte cada día. Non hai elección: non hai máis remedio que obedecer as leis da Camorra. Só uns poucos afortunados poden levar unha vida normal. Cinco historias entretécense neste escenario violento, ambientado nun mundo cruel e aparentemente imaxinario, pero profundamente enrraizado na realidade.
Unha calorosa noite de verán en París, Félix coñece a Alma. A cita vai estupendamente e acaban durmindo xuntos nun parque. Nada máis espertar, Alma marcha pasar o verán coa súa familia ao sur de Francia. Félix, que namorou perdidamente, decide darlle unha sorpresa e pasar o verán coa súa alma xemelga. Na compaña do seu mellor amigo, Chérif, inicia unha viaxe nun coche compartido co descoñecido e prudente Edouard. Ao chegar, un pequeno accidente co coche provocará que os tres compartan cámping nunhas vacacións atípicas onde nada sae como estaba planeado.
Mentres o seu marido está nunha viaxe de negocios, Gamhee visita a tres vellas amigas: Youngsoon, quen goza coidando o seu xardín; Suyoung, profesora de pilates; e Woojin, propietaria dun pequeno cinema. Coas tres departe sobre o pasado, as súas relacións e escoita anécdotas das súas vidas. Gamhee non se separou do seu home en 5 anos. En tres ocasións, un home xorde de xeito inesperado e interrompe o fío tranquilo das súas conversas.
Sam é un neno de 11 anos que está de vacacións de verán coa súa familia. Ao longo da semana coñecerá á intrépida Tess, unha nena aventureira e misteriosa que lle fará reflexionar sobre o valor da amizade e a familia.
Un filme tenro e cativador para partillar coa familia, premiada en múltiples festivais como a Berlinale ou o New York International Film Festival.
Explora o lendario Harlem Cultural Festival celebrado nos Estados Unidos no 1969. Nel rendeuse homenaxe á cultura e á música afroamericana, ademais de promover o black pride e a unidade entre personas dunha mesma raza. Inclúe actuacións inéditas de artistas como Stevie Wonder, B.B. King, Nina Simone, Abbey Lincoln, Mahalia Jackson, Moms Mabley, Jesse Jackson, Mavis Staples, David Ruffin, Cal Tjader, The 5th Dimension, Sly and The Family Stone.
Documental narrado en primeira persoa por Alba e Raúl, unha parella de cineastas que decide cargar as súas cámaras nas mochilas para emprender unha aventura de miles de quilómetros polas grandes rutas a pé do mundo.
Diferentes rostros amósannos un Irán onde tradición e modernidade conviven e confróntanse. Erfan invítanos a descubrir un país tan misterioso como culto a través da música e as súas xentes. El é un mozo kurdo, divertido e irónico, que quere converterse en director de cine. Canta, escribe poesía, vive cos seus pais e o seu loro, pero non sabe nada do amor.
A estrea do filme, o 9 de xullo, contará con presentación e coloquio do seu director, Javier Tolentino.
Brillante, intelixente, apaixonada e libre. Así é Eleanor “Tussy” Marx, a filla pequena de Karl Marx, unha das primeiras feministas que continuou co legado do seu pai e o seu compañeiro Engels. Loitadora incansable polos dereitos dos traballadores, pola abolición do traballo infantil, polos dereitos das mulleres e, en xeral, por moitas inxustizas... menos polas da súa vida privada, onde a súa atracción polo desenfreado e presumido Edward Aveling pon do revés todo o que Eleanor defende na súa vida pública.
Vacacións na campiña francesa. Daphne, embarazada de tres meses, atópase soa para recibir a Maxime, o curmán do seu novo mozo François, quen tivo que irse a París para cubrir a un compañeiro enfermo. Durante catro días, mentres esperan o regreso de François, Daphne e Maxime coñécense e comparten historias moi íntimas que os achegarán...
