Guitarrista e cantante desde os 14 anos, Fernando non deixa de tocar e gravar sen parar. Sacou o seu primeiro disco en solitario, El animal en mí -Granja Beat 2015- baixo a produción de Fernando Polaino e David Elorriaga e actualmente alterna concertos coa súa banda con outros de carácter máis íntimo e acústico.
Guerrera porán punto e final á súa actual xira de presentación do seu terceiro álbum de título homónimo. Estarán acompañados polo avant garde sonoro de Cró!, que ademais estarán celebrando toda unha década enriba dos escenarios. Todo baixo o marco de "Los conciertos de Retroalimentación", un ciclo que amosa ao longo do ano que o underground musical galego goza dunha saúde envexable.
O célebre presentador de televisión José Miguel Monzón, El Gran Wyoming, ofrece un concerto co seu grupo, Wyoming y Los Insolventes, no que repasarán varios dos grandes temas da historia do rock&roll.
Un repertorio cargado das cancións que marcaron a súa vida ao longo dos anos, o que lle permite facer un espectáculo case didáctico. A escolla percorre a historia deste tipo de música desde os anos 50, con temas de Chuck Berry ou Buddy Holly, ata o século XXI, presente con cancións de Jet ou Smash Mouth.
Tras lanzar catro discos, non son poucos os que consideran que Triángulo de Amor Bizarro conseguiu xa asentarse de forma incuestionable no panorama musical.
Chegan a Vigo no ano no que gañaron o Premio Ruido, que concede a Asociación de Periodistas Musicales de España ao mellor disco do ano.
A histórica banda The Skatalites con Doreen Shaffer ao fronte presenta o seu novo disco Platinum Ska. Pais e fundadores da música ska & reggae desde 1964, regresan co seu novo disco de estudio. Ritmos ska coa elegancia de sempre, a sección de metais, solos inspirados, versións instrumentais, dub de alta voltaxe e inéditos rescatados co orixinal Lloyd Knibb (RIP) á batería. Como é costume, a raíña do ska Doreen Shaffer brilla nos números vocais.
Xavi Sarrià foi alma fundadora do grupo Obrint Pas, un dos pioneiros da escena valenciana actual e un dos máis internacionais da música en catalán. Despois de escribir dous libros de narrativa, agora volve á carga cun novo disco, Amb l'esperança entre lles dents (Propaganda pel fet! 2017). En directo Xavi Sarrià está acompañado pola banda La vella escola, coa potente mestura de estilos e emocións marca da casa.
Rock & Love é o título do terceiro disco da artista galega Patricia Moon. Gravado e producido por Álvaro Villagra (gañador dun premio Grammy polo álbum Supernatural de Santana) e Nelson Pombal na cidade de Buenos Aires, nos estudios Monsterland (estudio do Abasto), Nosfer, e Los Pájaros, este último por cortesía de Palito Ortega. Gravado por músicos de primeiro nivel como Fernando Samalea na batería e percusións, Ponch (Juanse, ex-Ratones Paranoicos) ao baixo e Miguel Ángel Tallarita na trompeta, por citar algúns.
Tras unha década en activo, a banda coruñesa de rock, swing e música balcánica despídese dos escenarios. Nos concertos de despedida que están a realizar celebran a súa vida lembrando as súas cancións.
Dúo ferrolano coa voz de Hilda Rock e as cordas de Álvaro Lamas.
Influenciada pola música negra, o jazz e o rock, Hilda empeza con 20 anos a súa carreira musical, acompañada por distintos guitarristas. Actualmente é a voz solista do quinteto de jazz Five on Blues e Hilda Rock & The Band.
Svper, anteriormente coñecidos como Pegasvs, son Sergio Pérez García e Luciana della Villa, residentes en Barcelona, antiguos compoñentes de Thelemáticos, así como en outros moitos proxectos do underground barcelonés, tales como Anticonceptivas, The Sad Believers ou Sibyl Vane. Chamaron aa atención de Canada editorial, quen ofreceron ao dúo lanzar o seu álbum Pegasvs, publicado en marzo de 2012 e precedido por outras dúas cancións dp LP, El Final de la Noche e Brillar.
