Despois dun tempo sen xuntarse, catro músicos cunha amplia bagaxe musical (tocando en grupos como High Sierras, Wildcats, Inculpados, AAF´60, etc) reúnense de novo para facer un amplio percorrido polo máis granado do rock&roll internacional.
Alberto Cunha (showman, actor) á voz e guitarra, Jacobo Jiménez (mestre de mestres) á guitarra eléctrica, Jesús Dasilva ó baixo eléctrico e Andrés Cunha á batería, conforman unha das máis explosivas formacións musicais...
Concerto da cantante Cora Sayers, acompañada da súa banda, no que presentará os seus novos temas en castelán e no que fará un breve repaso dalgúns en inglés.
Cora atópase inmersa na presentación desta nova e fresca etapa musical, o que a levará a tocar no Santiautor, en dous concertos do Club-E, en varias cidades europeas e na Fiesta Demoscópica da Mondosonoro en Vigo.
Con O mínimo que o contén todo, o seu último proxecto, a banda ITH ofrece un traballo orixinal, agradable, con todos os temas en galego. As súas letras van dende o rock ao pop, e versan sobre temas cotiáns.
Agoraphobia lanza o seu primeiro EP, Dirty little things, a finais de setembro do 2014, tras ter gañado o concurso de talentos musicais VODAFONEyu. Foron seleccionadas entre un gran número de propostas de toda a península.
Compartiron escenario con grupos de primeira liña nacional como Russian Red, The Zombie Kids, Lori Meyers, Wally López ou Delorean e teñen tocado xa como cabezas de cartel en festivais da relevancia do Brincadeira, Son Rías Baixas ou o Castelo Rock. Agora preparan o seu salto a nivel nacional e internacional.
Triángulo de Amor Bizarro estará no Playa Club da Coruña, no marco do ciclo Retroalimentación. A banda coruñesa volve á súa localidade de orixe, onde tocarán os temas máis significativos da súa carreira.
Romance será a banda invitada.
As entradas custarán 12 euros en venta anticipada e 15 euros en porta.
Tras o seu paso por Barcelona e Madrid, Natalia Lafourcade recalará no mes de febreiro no ciclo SON(S) Ferrol. A artista mexicana, coñecida pola súa mestura de sons latinoamericanos con elementos de jazz, rock, bossa nova e folk, interpretará os grandes éxitos da súa carreira e presentará, ademais, o seu último álbum Musas.
A principios de 2014 os irmáns Martín —Rufus El Guarro— e Jorge Lorre (Los Hijos Bastardos De Peter Lorre, The Allnight Workers, Family Folks, Dead Wood...) comezan un novo proxecto, xunto a Doble M (Dead Wood), coa idea de facer dos seus conertos auténticas celebracións de rock’n’roll, onde o punk, o surf instrumental, o garage ou incluso o frat teñen unha cita ineludible coa diversión e o sentido do humor. Nos seus directos poderás atopar versións de grandes bandas, como The Sonics, Bo Diddley, Flamin’ Groovies ou Link Wray, ademais de temas propios instrumentais e vocais.
Los Planetas chegan á Coruña, nunha das paradas da súa xira. O grupo presentará as cancións do seu último álbum, Zona temporalmente autónoma.
Nun principio, o concerto estaba previsto na Sala Inn Club, pero tivo que ser reubicado e será finalmente no Palexco. As entradas non estarán numeradas e os asistentes terán que se sentar por orde de chegada.
Só para maiores de 18 anos, segundo as condicións de venta de entradas
Window Pane e Sandford Music Factory son dous dos grupos máis importantes do panorama musical ferrolán con respecto á música rock. A pesar de que este estilo musical caracterízase por tocarse con instrumentos eléctricos con distorsión, nesta ocasión deixarán iso de lado para ofrecer un concerto acústico, no que darán unha volta ao seu repertorio para interpretalo dunha maneira distitna da habitual.
The Rad Trads son unha das bandas de directo máis entretidas de Nova York.
