Outras actividades

Actividade guiada e explicada de observación dos astros, a cargo do persoal do Observatorio Astronómico Ramón María Aller da USC no marco do programa Todocosmos e financiado pola Fundación Española para a Ciencia e a Tecnoloxía (FECYT).

No salón de actos faise unha breve explicación da observación e despois, no exterior da biblioteca, obsérvanse varios astros co telescopio.

No caso de que as condicións meteorolóxicas non acompañen ese día, moveríase a actividade a outro día. 

Requírese inscrición previa, máximo 50 persoas. 

Uns 70 establecementos de hostalaría da cidade presentaron as súas propostas gastronómicas para participar nunha cita que con cada edición cobra forza no calendario dos eventos gastronómicos galegos. 

Todos os amantes da boa cociña poden gozar das mellores tapas en Santiago de Compostela. O concurso ten como fin promover a nosa gastronomía a través destes pequenos pero exquisitos pratos.

O público pode votar a súa tapa favorita nos posavasos especiais do concurso que lle serán entregados coa consumición.

O Museo do Pobo Galego comezou a súa andadura alá por 1977. Quería ser non só un depósito de obxectos senón tamén unha testemuña do presente e unha invitación "reflexión colectiva sobre os problemas actuais do país así como as vías posibles para a súa solución". En 2017, o Museo está de aniversario. Fai 40 anos e dedicará dúas semanas a celebrar a efeméride. 

Neste curso impartido polo musicólogo Faustino Núñez, farase un repaso sobre a vida do compositor austríaco e a súa obra, que marcou a historia da música.

Todo explicado de forma sinxela, sen tecnicismos, facéndoo accesible a todos os públicos.

Proba as tablets da biblioteca cargadas con xogos que estarán dispoñibles só durante esta semana. 

No 2º andar, público adulto.

Entrada libre, a participación está suxeita á dispoñibilidade dos xogos. 

Para conmemorar a Semana Internacional dos Xogos, organizamos dúas xornadas de xogos na biblioteca para maiores e pequenos/as:

*Xornadas de xogos libres. Salón de actos.

Ven e xoga con xogos de mesa. Entrada libre, a participación está suxeita á dispoñibilidade dos xogos. Para todos os públicos.

*Xornadas de xogos de lóxica para nenos e nenas de 2 a 13 anos. Sala infantil.

Xogos dinamizados por persoal da xoguetería Chafarís das 16:30 ás 20 h. Entrada libre, a participación está suxeita á dispoñibilidade dos xogos.

Organizamos a I Xornada League of Legends na biblioteca, unha tarde de xogo e intercambio co LOL como protagonista. 

A xornada desenvólvese das 17 ás 21 h no Salón de Actos da biblioteca.

• Masterclass dun ex-xogador profesional. Entrada libre ata completar a capacidade da sala.
• I Torneo LOL BPS. Precísase inscrición previa, prazas limitadas. 
• Intercambio de impresións entre os e as participantes, facemos comunidade. Entrada libre ata completar a capacidade da sala.

Un ano máis, o primeiro domingo de cada mes ás 18:30 h, desde outubro ata xuño (agás no mes de xaneiro), o CGAC organiza un filocafé na súa cafetaría. Os filocafés son conversas públicas enfocadas desde un punto de vista filosófico nas que poden participar todas as persoas interesadas en intercambiar inquietudes ou puntos de vista desde calquera área ou nivel de coñecemento.

Dende as instalacións do CGAI emitirase o programa de cinema de RNE 3 El séptimo vicio presentado por Javier Tolentino.

Duración: 60'

Desde comezos de 2017 o escritor Suso de Toro foi o responsábel do deseño e organización do Tac, tac, tac, unha proposta única de creación literaria ao vivo que achegou á libraría Numax a centos de afeccionados á lectura desde o arranque da actividade no mes de xaneiro.

A iniciativa chega á súa fin coa creación por parte de Suso de Toro do derradeiro relato do ano na máquina de escribir da libraría.