Outras actividades

A Casa de Europa é unha residencia universitaria destinada ó aloxamento de profesores convidados e visitantes da Universidade de Santiago de Compostela. Ocupa, ademais, un edificio histórico, a Finca Simeón, tamén chamada Finca de Vista Alegre, un palacete indiano de Daniel García Vaamonde. A actividade non só abre as portas do edificio ao público xeral, senón que ademais o enche de actividades culturais.  Quedamos na casa! é unha cita co teatro, a música, a danza e a fotografía, que ocupan os diferentes espazos do palacio.

IV Rouplay é un concurso de playbacks, que supón o primeiro deste estilo a nivel comarcal. Celébrase en Atios e consta de tres categorías:

- Categoría A: Entre 0 e 13 anos
- Categoría B: entre 14 e 25 anos
- Categoría C: A partir dos 26 anos

Haberá un premio por cada categoría, ademais dun premio absoluto.

O verán é un tempo estupendo para as lecturas: na praia, á sombra dunha árbore, nunha terraza, durante as viaxes...
Entre xullo e agosto hai case 9 semanas, imos propoñervos un reto lector cada tres semanas. Ao final dos dous meses teremos lidos tres libros ben diferentes dos que lemos habitualmente.
Animádesvos a participar?

1. Ler un libro de non ficción

A Praza de Mazarelos acolle unha nova edición da Romaría dos Libros. Será entre as 12 da mañá e as 21 horas e contará non só con venta de libros senón tamén cun programa de actividades literarias. Haberá música, presentación de libros, xogos, actividades para cativos e ata un combate de debuxantes. 

Esta charla pretende espertar o interese pola arte da maxia nos asistentes. As fantásticas e sorprendentes historias da maxia irán acompañadas, ás veces, coa realización de xogos de maxia, e noutras ocasións coa explicación dalgún xogo, xogos baseados en segredos físicos e matemáticos, pois ao fin e ao cabo, a maxia sempre foi da man do coñecemento.

O espectáculo ten unha duración de 90 minutos. Para todos os públicos, a partires de 7 anos.

Selección de libros amenos de coñecemento, moitos deles cun toque de humor.

Selección de libros para nenas e nenos de dragóns, príncipes, princesas, castelos, Idade Media... para levar en préstamo.

No marco do taller Facer dúas veces, do CGAC, o 18 de xullo desenvolverase unha recreación da performance Expiration movement, orixinalmente do artista Daniel Knorr e recreada aquí por Fermín Jiménez Landa. Terá lugar no Pazo de Raxoi de Santiago de Compostela o día 18 ás 12:00 h, e inclúese no programa de celebración das festas do Apóstolo. Desde unha fiestra deste edificio poñerase en funcionamento unha máquina de fume co fin de recrear que o edificio está ardendo.

A campaña O galego crea ambiente pivota arredor da idea de que a lingua é un dos alicerces do desenvolvemento sustentable. Forma parte do patrimonio, xunto coa cultura, a paisaxe ou a biodiversidade. Un patrimonio que cómpre coñecer e valorar, transmitíndoo e dándolle vida co uso.

Co gallo dunha nova edición do Asalto ao Castelo de Vimianzo o venres anterior celébrase unha cea medieval no foso do castelo.

Os asistentes poderán degustar un menú propio da época que estará acompañado por diferentes actuacións teatrais e musicais.