Nesta actividade infantil dáse a coñeecer os personaxes da tradición galega. A través dun xogo, identificaranse cada un deles para, a continuación, cada participante, crea o seu favorito.
Para nenos de 6 a 12 anos. Precísase inscripción previa, máximo de 10 participantes.
Esta actividade, coordinada por Luz Martínez, participante do programa de voluntariado cultural da Rede de Bibliotecas de Galicia, ten por obxectivo espertar nos nenos o interese pola lectura a través da música, o movemento e a psicomotricidade. Ler e escribir convírtese así nunha actividade lúdica que parte dos propios intereses dos nenos.
Obradoiro organizado por ALOHA MENTAL ARITHMETIC no que se farán xogos e exercicios de aritmética mental a través do uso do ábaco. Para nenos e nenas de 5 a 13 anos. Precísase inscrición previa, máx. 20 (10 de 5-7 anos e 10 de 8-13 anos)
Coñecemento da Historia dos Libros mediante a realización de diferentes talleres prácticos, nos que as e os participantes terán a oportunidade de manipular distintos materiais e texturas.
Esta actividade forma parte do programa Ler conta moito de dinamización lectora, da Rede Galega de Bibliotecas.
Os participantes no taller de memoria, ademais de adquirir novos coñecementos lendo, exercitan a memoria, compartindo e recordando. Algúns dos contidos son: relato polos participantes dunha historia propia ou transmitida, presentación pola coordinadora do texto de lectura: artigo de xornal, fragmento de novela, comedia, poema, conto, biografía, texto científico, etc., para facilitar a súa comprensión, lectura inicial en voz alta pola coordinadora e despois polos participantes que o desexen, realización de actividades sobre o texto e coloquio.
Obradoiros de improvisación en verso para mocidade urbana -preferentemente para persoas de máis de 12 anos de idade.
Impartidos polos regueifeiros Pinto de Herbón e Luís 'O Caruncho', integrantes da Asociación Oral. Trátase de obradoiros de entre hora e media e dúas de duración que traballan dun xeito lúdico a expresión oral con técnicas didácticas tradicionais pero con achegas do rap e do teatro improvisado que enriquecen o resultado poético final. Desafio, improvisación e inxenio.
Mediante un conxunto de experiencias aparentemente “máxicas”, introducirémonos no fascinante mundo da ciencia, formulando hipóteses e chegando a conclusións seguindo un método científico. Pode converterse a auga en viño?, globos ignífugos, momentos eléctricos, o Ketchup da verdade, estás forte?, movendo o aire... a canonazos... son algúns dos desafíos aos que se enfrontarán os asistentes ao obradoiro.
Proposta innovadora de poesía visual en memoria do poeta Díaz Castro. Os participantes van crear unha poesía experimental empregando a colaxe como ferramenta plástica; poderán variar o tamaño, estirar, dobrar, furar e incluso debuxar coas letras e colocalas no papel de formas nunca vistas.
Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
A actividade Queres ser axudante da nosa biblioteca está dirixida a nenos e nenas de 6 a 12 anos. Nela poderán participar, previa inscrición, aqueles rapaces que queiran coñecer o labor que se desenvolve no centro, así como os traballos que fan que un libro chegue finalmente a disposición do público.
Recreamos a historia do libro con realidade aumentada é un obradoiro para conmemorar o Dia das Bibliotecas, no que os participantes escribirán de forma colaborativa unha historia sobre a evolución do libro e o seu contexto, para posteriormente recreala empregando a tecnoloxía da realidade aumentada. O obradoiro desenvolverase na biblioteca Ánxel Casal e nel poderán participar rapaces e rapazas de entre 10 e 14 anos, previa inscrición no teléfono 881 999 401 ou na propia biblioteca.
