A Biblioteca de Galicia pon en marcha o obradoiro A Imprenta, catro sesións nas que os participantes poderán coñecer o proceso de elaboración de libros no século XV, coñecer o paso da escritura manuscrita á imprensa e utilizar diversas técnicas creativas e dar renda á creatividade persoal.
+ info e inscricións: https://www.cidadedacultura.org/gl/evento/imprenta
Elaboración de móbiles, faroliños,xoguetes... cos que agasallarse a si mesmos ou agasallar aos seus no Nadal e empaquetado de agasallos.
Obradoiros gratuítos. Inscrición previa na Fundación Eugenio Granell.
15 prazas por obradoiro.
0s cativos converteranse en pequenos artesáns durante o Nadal cos novos obradoiros que organiza o CENTRAD. Esta programación ofrece un total de 90 prazas gratuítas en 6 obradoiros repartidos en dúas quendas: 22, 23 e 26 de decembro a primeira, e os días 29 e 30 de decembro e o 2 de xaneiro, a segunda. Os talleres están dirixidos a nenos de 5 a 15 anos e desenvolveranse de 09:00 a 14:00 horas.
Máis información
Durante séculos buscáronse distintos xeitos de reproducir a realidade. O desexo de captar o movemento supuxo un longo camiño e un reto para a humanidade. O descubrimento do cine facilitou esta experiencia: o movemento conseguiu dotar as imaxes de vida propia. Neste obradoiro achegarémonos á imaxe en movemento mediante o deseño de diferentes xoguetes ópticos. A través do debuxo, da fotografía e do uso do noso propio corpo como modelo crearemos fotogramas para os nosos enxeñosos aparellos. Os asistentes costruirán traumatropos, zootropos e os seus propios tropos.
Xesús Carballido propón crear a partir dos materiais cotiáns que os pequenos teñan na casa. Traballarán cos seus propios xoguetes rotos, con contos vellos ou con esas outras cousas que adoitamos tirar ao lixo ou gardar eternamente para usalas nalgún momento (chaves, abelorios, clips, botóns…). Con esa materia prima tan especial crearán un cadro tridimensional persoal mesturando diversas técnicas artísticas como o debuxo, a pintura, a colaxe e a ensamblaxe.
Obradoiro básico de iniciación para adultos con escasos ou nulos coñecementos de internet.
Xoves e venres ás 10 horas. Precisa inscrición.
Campaña de sensibilización para promover a integración social das persoas xordas e xordocegas e conseguir unha efectiva igualdade de oportunidades de acceso á educación e ao emprego. Actividade organizada pola Asociación de Persoas Xordas de Pontevedra e a Área de Benestar do concello de Pontevedra. Entrada libre ata completar aforo.
Escolle a túa canción, fai unha coreografía, idea un fondo e a gravar. Este Nadal propoñémosvos ser os protagonistas do voso propio videoclip. Prepararemos uns fondos, xogaremos co croma, aprenderemos os pasos de baile e ata faremos playback para dar lugar a un dos mellores vídeos do 2014 que, por suposto, enviaráseche a casa para que poidas compartir con amigos e familia.
+ info: https://www.cidadedacultura.org/gl/evento/o-meu-videoclip
O Museo Centro Gaiás convértese este Nadal nun auténtico plató de cine… de plastilina. Coincidindo co 25 aniversario de Sempre Xonxa, a xa mítica película de Chano Piñeiro e pioneira do cinema galego, os participantes neste obradoiro modelarán en plastilina e darán vida aos seus personaxes para crear unha película en stop motion.
Un divertido obradoiro co que os máis pequenos achegaranse aos inicios do cinema galego mentres os seus pais revivirán escenas míticas da nosa historia audiovisual.
Cal é unha das actividades que máis nos gusta facer? Xogar. E cal é un dos símbolos da cultura en Galicia? A música e as danzas tradicionais. Podemos xuntar as dúas cousas nun mesmo obradoiro? Claro!
Da man de Edith Cotilla Quintela e Gustavo Couto Rodríguez descubriremos unha chea de xogos cos que introducirnos no baile tradicional por medio de pasos e figuras sinxelas para rematar nunha sesión de xogo-baile colectiva na que gozar en familia.
