Obradoiro “De catro a catro” a cargo de Noemí López, o xoves 16 de xullo ás 12:00 horas na sala multiusos. Para nenos/as de 4 a 12 anos. É preciso apuntarse, 20 prazas.
Realizaremos entre os participantes un mural conxunto no que se traducirán as palabras de Manuel Antonio recompoñendo un dos seus poemas con imaxes, conmemorando o seu 115 aniversario do nacemento.
Obradoiro dirixido no que se darán pautas para interpretar o imaxinario en papel.
O cómic é un tipo de linguaxe plástica á vez que literaria para narrar e transmitir os contidos dos distintos ámbitos da realidade obxectiva e subxectiva. Este obradoiro articúlase en canto á súa temática no aspecto creativo da BD, apostando por entender o funcionamento dos seus diferentes estilos, tendencias artísticas e narrativas.
Para nenos e nenas de 8 a 12 anos, os xoves 9, 16, 23 e 30 de xullo de 11:00 a 12:30 h
Os contos constitúen unha ferramenta esencial nas fases do proceso creativo infantil podendo traballar con eles a fantasía, a imaxinación e a expresión. Neste obradoiro de verán escóllese traballar o proceso creativo das nenas e nenos utilizando os contos como estratexia para desenvolver a fluidez, flexibilidade, orixinalidade e elaboración no grupo, iniciándoos nas etapas polas que debe pasar todo traballo creativo.
Para nenos e nenas de 4 a 7 anos, todos os martes de agosto de 11:00 a 12:30 h
Un obradoiro interactivo para motivar ao neno/a a falar en inglés dunha maneira sinxela, amena e divertida a través da audición oral de contos, imaxes, cancións e pequenas manualidades que lle axuden a familiarizarse e reforzar o vocabulario.
Para nenos e nenas de 4 a 7 anos , todos os martes de xullo de 11:00 a 12:30 h
Neste taller expónse a historia do CGAC, percorrendo a súa arquitectura e achegándose ás súas exposicións. A idea de refuxio, os xogos de escala, os sons e as paisaxes extremas presentes nas mostras de Cristian García Bello ou de Manuel Vilariño servirán de ponte para traballar no veciño parque de Bonaval.
A sustentabilidade, a conciencia social e a reciclaxe están transformando aos poucos a sociedade e a paisaxe que habitamos. A arquitectura tende a ser cada vez máis eficiente e a aproveitar todos os recursos naturais renovables que están á nosa disposición.
Neste taller habitaránse os diferentes espazos do CGAC na procura dun xeito de aproximarse á mirada dos máis pequenos.
Obradoiro sobre creación de música electrónica e hip-hop, para mergullarse na historia destes xéneros musicais e repasar a súa evolución desde o seu nacemento ata a actualidade. Investigando os recursos que ofrecen as novas tecnoloxías para a creación sonora e experimentando co ritmo, o son, o silencio, a intensidade, as palabras ou mesmo con obxectos ou ruídos da contorna como instrumentos para xerar música.
Empregando dispositivos electrónicos como tabletas, teléfonos móbiles e outros dispositivos inalámbricos para facer as composicións e as improvisacións do grupo.
Impartido por persoal técnico do Arquivo do Reino de Galicia.
Público xeral. Maior de 18 anos.
Máximo 15 persoas por curso, previa inscrición.
Duración: 2 horas
Esta programación forma parte das actividades para conmemorar o Día Internacional dos Arquivos, que se celebra o 9 de xuño.
Os técnicos do laboratorio de restauración do Arquivo do Reino de Galicia aprenden a encadernar.
Público xeral, a partir dos 18 anos.
Máximo 15 persoas por curso previa inscrición.
Duración: 2 horas.
Esta actividade forma parte da programación para conmemorar o Día Internacional dos Arquivos.
