Obradoiro

Con axuda de diferentes técnicas (gráficas, pictóricas, de reciclaxe e outros recursos de estampaxe) adaptadas a cada temática, o obradoiro introducirá aos participantes no mundo creativo e na evolución estilística e formal da figura de Luís Seoane. O resultado final será a realización dun libro de artista.
Grupos familiares con nenos a partir de 6 anos

Prazas limitadas. Inscrición previa

Departamento de Difusión

MUSEO DE BELAS ARTES

Rua Zalaeta, 2

15002 A CORUÑA

T 881 881 700

F 881 881 701

Sarabaela teatro realizará un obradoiro para nenos e nenas de máis de 6 anos en torno ao libro "O futuro é feminino" que reúne ás mellores ilustradoras do momento con contos inspiradores sobre as situacións as que se enfrentan nenas e mulleres a diario.

E SE NOS DISFRAZAMOS DE ? , obradoiro por Aurora López

Achéganse unhas das festas máis divertidas do ano, pero qué celebramos no Entroido?.

Neste obradoiro coñeceremos a súa orixe e cada participante realizará a súa propia careta tradicional, utilizando diferentes tipos de materiais, texturas e cores de modo que poidan expresar a súa alegría neste período de entroido.

Dirixido a nenos e nenas de 4 a 12 anos. 

Obradoiro impartido por un grupo de estudantes chineses de intercambio na USC, coordinados por Han Yu (韩禹) presidente da Asociación China Universitaria de Santiago de Compostela (圣地亚哥大学中国学生学联) e Miguel Cortés Hernández (米東方), vogal de Intercambios Lingüísticos e Actividades Culturais da Asociación.

Unha tradición oriental na que a atención e a habilidade conxúganse coa creatividade e o entretemento.

Dirixido a rapazada de 6 a 16 anos.

O límite de prazas é de 8 nenos e nenas que poden vir acompañados dunha persoa adulta que tamén participa no obradoiro.

O Día da Ilustración celébrase cada ano o 30 de xaneiro, coincidindo co día do nacemento de  Alfonso Daniel Rodríguez Castelao. O protagonista deste 2020 é Cándido Fernández Mazas (1902-1942). Incluído pola crítica no grupo “Os Novos” (con Maruja Mallo, Carlos Maside, Arturo Souto, Manuel Colmeiro e Manuel Torres Martínez), ten influencias do fauvismo, da art decó e, en especial, do pintor Amedeo Modigliani.

Co gallo da celebración do Día da Ilustración teremos un obradoiro de ilustración a cargo de Fatiropina, "Ilustrando un conto", o xoves 30 para nenos e nenas de 6 a 10 anos.

A actividade precisa de inscrición previa que se pode facer chamando aos teléfonos 988 788385 e 988 788386.

Acompañando a exposición dos traballos de Laura Núñez, a autora realizará un taller na sala multiusos do segundo andar da biblioteca.

Idade: a partir de 6 anos.

Despois dun primeiro ciclo de cursos dedicados á aprendizaxe globalizada da lingua, as matemáticas e o coñecemento do medio natural a través da plástica, incorpórase a este programa de educación artística un tema transversal presente en todas as etapas educativas: a identidade.

Este eixe, de enorme importancia na arte contemporánea e na vida, permitiranos coñecer numerosos referentes creativos e investigar sobre o eu e o nós a través da experimentación visual e plástica.

O CGAC (Centro Galego de Arte Contemporánea) organiza a quinta edicion do ciclo de “Talleres experimentais de arquitectura contemporánea MIÉS É+” dirixido ao público infantil. O terceiro obradoiro do programa estará dedicado ao arquitecto e crítico de arte italiano, Bruno Zevi.

Rubén Lázaro (SienteVR), cunha ampla traxectoria no sector audiovisual como editor e realizador, impartirá este obradoiro de Vídeo 360º e realidade virtual no que facilitará as claves para desenvolver unha produción audiovisual destas características, así como as súas posibles aplicacións en ámbitos como a creación audiovisual, o patrimonio ou o turismo.

O taller estrutúrase en cinco bloques:

Introdución á captura da imaxe en 360º

Proceso de captura

Posprodución das imaxes

Difusión (para gafas de VR e plataformas)