Obradoiro

A festa dos electróns trátase dun divertido espectáculo no que o elemento estrela é o noso xerador de electróns Van der Graaf, capaz de xerar un sen fin de experimentos coa electricidade e que transportará á sala a unha divertida festa. O noso xerador será capaz de poñer os pelos de punta aos participantes, lanzar confeti, atraer a chama das candeas, xerar divertidas faíscas, encender bombillas...e moitas cousas máis. E ademais...xogando e divertíndose aprenderase unha chea de conceptos sobre os electróns: como se moven, por onde viaxan, as cargas eléctricas...

Nos últimos tempos as prendas de moda baseadas en peles de animais convertéronse en tendencia, e cada vez máis é frecuente atoparnos con persoas cuxa vestimenta imita a aparencia externa dun animal. Basta botar unha ollada a estas prendas para decatarnos que sempre empregan como fonte de inspiración a animais terrestres (león, tigre, cebra...)

É que os animais mariños non serven de inspiración para a creación destes estampados? Acaso non existen cores chamativas nos animais do océano?

Na actualidade as actividades de escapismo (Room Escape) están en auxe como metodoloxía empregada para traballar en equipo na resolución dun conflito común.

Nesta actividade montarase unha habitación misteriosa en cada unha das aulas da Biblioteca. En cada unha delas haberá unha conta atrás de 30 minutos e unha variedade de enigmas por resolver. Os principios básicos dos xogos de escapismo son a lóxica, o enxeño e o pensamento abstracto.

Kino Galicia 2020, II Maratón Internacional de Creación de Curtametraxes

Datas: 10-18 de febreiro de 2020.

O sábado 19 de outubro terá lugar o obradoiro de portas abertas "A química coma nunca a viches" na Facultade de Química (Universidade de Santiago de Compostela), en horario de 11.30 a 13.30 e de 16.30 a 19.30 horas.

Esta xornada de portas abertas celébrase con motivo do 150 aniversario da Táboa Periódica. Durante o obradoiro haberá experimentos e actividades de realidade virtual para toda a familia. O evento organízase en colaboración ca Sociedade Xuvenil Galega de Química e o Centro de Supercomputación de Galicia (CESGA). 

Gústache a Banda Deseñada e debuxar? Sentes curiosidade polos cómics?

O liustrador Yago García achegará aos asistentes todo o proceso de elaboración dun cómic.

A actividade está dirixida á rapazada a partir dos 10 anos, precisa de inscrición previa (que se pode facer a partir do luns anterior ben presencialmente ou chamando aos números de teléfono 988 788387 e 988 788386) e ten un número limitado de participantes polo que se hai máis solicitudes que prazas crearase unha listaxe de espera.

A litografía é un procedemento de impresión que se basea no principio de incompatibilidade natural entre substancias graxas e acuosas, de forma que, ao entintar a prancha, a pintura só adherirase ás partes que foron previamente debuxadas cun lapis graxo, para logo aparecer estampadas sobre a folla de papel.

Dirección: Omar Kessel
Sábados, do 19 de outubro ao 16 de novembro

Horario: de 10:30 a 14:00 h
Matrícula: 40,00 € (Amigos Museo 35,00 €)
 

Nesta actividade un estrambótico médico do corazón achegarase a facer unha particular revisión médica. Os seus métodos son moi raros: Receita apertas, falar, mirarse,...e propón exercicios como escoitar o teu propio corazón, respirar fondo e calmo, pensar positivo...

Con el coñeceremos como funciona de verdade o noso corazón, aprenderemos que nel conviven un sinfín de emocións e sentimentos e que se aprendemos a escoitalo aprenderemos a escoitar a quen nos rodea. Unha viaxe pola xestión da intelixencia emocional que asente unha base dende a que edificar unha saudable vida social.

Este obradoiro está pensado para que a rapazada constrúa un planeta imaxinario dun xeito lúdico: describirán o espazo, nomearán lugares e habitantes, debuxarán o mapa e crearán unha historia.

Sempre coa idea do xogo como punto de partida e coa palabra como ferramenta fundamental, case sen decatarse, estarán aprendendo a construír espazos e a deseñar e caracterizar personaxes.

A actividade centrarase en crear desde cero ese planeta imaxinario, empregando diferentes técnicas que estimulen a súa creatividade mediante o traballo en equipo.

Data: 5 de outubro

Colaboramos coa 16º edición do festival de cine Curtocircuíto para acoller este obradoiro sobre montaxe e narrativa cinematográfica impartido pola ECAM (Escuela de Cinematografía y del Audiovisual de la Comunidad de Madrid).

Diríxese a o alumnado de Secundaria e Bacharelato, e é unha actividade enmarcada dentro do programa de alfabetización audiovisual que leva a cabo a ECAM en todo o territorio nacional.