Obradoiro

Sarabela Teatro proponnos para este sábado un obradoiro en torno ao libro de El Hematocrítico, que está acompañada polas ilustracións de Mar Villar "Rapunzel con piollos" Rapunzel pasa o tempo na súa torre protexida de calquera perigo: bruxas malvadas, ogros, lobos… O que non espera é ser atacada polas criaturas máis silandeiras: os piollos! Estes bichiños multiplícanse rapidamente na súa longa melena, e non hai remedio contra eles. Nin a limpeza de Brancaneves e os seus ananos, nin o raio conxelador da Raíña das Neves, tampouco o enxeño de Garavanciño.

Obradoiro para que a rapazada asistente elabore cadansúa máscara de merdeiro. Xa rematadas as caretas, na compaña dun grupo de merdeiros adultos, os participantes poderán percorrer as rúas do casco vello asustando á xente tal e como manda a tradición desta figura do noso Entroido.

E para rematar a xornada merdeira, haberá una boa chocolatada.

Sarabela teatro tráennos este sábado un Obradoiro de realización de comadres e compadres co que arrincará o entroido na Biblioteca. É unha actividade dirixida a todos os públicos de máis de 6 anos xa que á vez que os rapaces fan as súas comadres, os pais e nais que o desexen farán a comadre e o compadre de máis tamaño dirixidos por Maite Vázquez.

Con motivo da exposición “PRIMORES DO MÚLTIPLO. Encadernación e coleccionismo na Biblioteca de Galicia” que se amosa no edificio da Biblioteca e o Arquivo de Galicia ata o mes de xuño, a Subdirección Xeral de Bibliotecas e do Libro organiza un obradoiro para rapazas e rapaces no que se pretende desvelar os pasos que segue un conto, neste caso un álbum ilustrado, dende que se escribe ata que se converte en libro.

Con motivo da exposición “PRIMORES DO MÚLTIPLO. Encadernación e coleccionismo na Biblioteca de Galicia” que se amosa no edificio da Biblioteca e o Arquivo de Galicia ata o mes de xuño, a Subdirección Xeral de Bibliotecas e do Libro organiza dous obradoiros sobre encadernación para público adulto. O primeiro obradoiro servirá de introdución a un tema tan intersante como é esta actividade; Así, dun xeito simple e cómodo, aprenderase a encadernar sen necesidade de usar pegamento nin costuras.

Obradoiros de antefaces, caretas, adornos e pintacaras de entroido.

Animación a cargo de SIF (Servicios Integrais de Formación).

Actividades para nenos/as de 3 a 12 anos, que deberán estar acompañados dun adulto responsable en todo momento. 

Sen inscrición previa. 

Con axuda de diferentes técnicas (gráficas, pictóricas, de reciclaxe e outros recursos de estampaxe) adaptadas a cada temática, o obradoiro introducirá aos participantes no mundo creativo e na evolución estilística e formal da figura de Luís Seoane. O resultado final será a realización dun libro de artista.
Grupos familiares con nenos a partir de 6 anos

Prazas limitadas. Inscrición previa

Departamento de Difusión

MUSEO DE BELAS ARTES

Rua Zalaeta, 2

15002 A CORUÑA

T 881 881 700

F 881 881 701

Sarabaela teatro realizará un obradoiro para nenos e nenas de máis de 6 anos en torno ao libro "O futuro é feminino" que reúne ás mellores ilustradoras do momento con contos inspiradores sobre as situacións as que se enfrentan nenas e mulleres a diario.

E SE NOS DISFRAZAMOS DE ? , obradoiro por Aurora López

Achéganse unhas das festas máis divertidas do ano, pero qué celebramos no Entroido?.

Neste obradoiro coñeceremos a súa orixe e cada participante realizará a súa propia careta tradicional, utilizando diferentes tipos de materiais, texturas e cores de modo que poidan expresar a súa alegría neste período de entroido.

Dirixido a nenos e nenas de 4 a 12 anos. 

Obradoiro impartido por un grupo de estudantes chineses de intercambio na USC, coordinados por Han Yu (韩禹) presidente da Asociación China Universitaria de Santiago de Compostela (圣地亚哥大学中国学生学联) e Miguel Cortés Hernández (米東方), vogal de Intercambios Lingüísticos e Actividades Culturais da Asociación.

Unha tradición oriental na que a atención e a habilidade conxúganse coa creatividade e o entretemento.

Dirixido a rapazada de 6 a 16 anos.

O límite de prazas é de 8 nenos e nenas que poden vir acompañados dunha persoa adulta que tamén participa no obradoiro.