Festival

Brigitte Lesne é toda unha lenda da música antiga, á que lle dedicou toda a vida. É unha das maiores especialistas en música medieval do mundo e toda unha referencia na súa interpretación. Brigitte ofrece recitais en solitario ou formando dúos ou tríos nos que, ademais de cantar, toca a arpa e fai percusións. Tamén canta no seu grupo de voces femininas Discantus, dedicado á interpretación de música sacra vocal máis temperá e que ela mesma fundou a principios dos anos 90.

A valentía dos innovadores proxectos e a forte personalidade artística do director converteron a Accademia del Piacere no grupo de vangarda da música antiga española e nun dos punteiros en Europa, grazas á concepción da música histórica como algo vivo, cheo de emocións que os músicos interiorizan como propias e transmiten ao espectador.

Mercedes nace en Santiago de Compostela. Estuda canto e especialízase en música antiga no Conservatorio de Toulouse (Francia), na Musikhochschule de Trossingen (Alemaña) e na Schola Cantorum Basiliensis (Basilea-Suíza). En 2002 debuta no Gran Teatre do Liceu de Barcelona co rol de Ninfa da ópera de Claudio Monteverdi L’Orfeo dirixida por Jordi Savall.

Bishara Haroni estudou piano na Hochschule für Musik und Theater de Hannover (Alemaña). Como solista tocou en numerosos países, colaborou con prestixiosas orquestras como a London Philharmonic e foi dirixido por grandes directores como Lorin Maazel, Zubin Metah e Daniel Barenboim.

O ensemble vocal Gentlemen Singers é o único octeto vocal masculino profesional da República Checa.

O grupo gañou varias competicións internacionais e frecuentemente forma parte da programación dos festivais máis prestixiosos do mundo, desde os Estados Unidos a Corea do Sur. Deu máis de 500 concertos en vinte e tres países de catro continentes e editou sete CD desde a súa formación en 2003, con grande éxito e moi boas críticas.

Apadriñado por sir John Eliot Gardiner, o grupo británico His Majestys Sagbutts & Cornetts celebra en 2017 os trinta e cinco anos de historia, e fano coa mesma idea que tiñan os músicos que o fundaron: achegar o son dos seus nobres instrumentos e o repertorio dos séculos XVI e XVII ao público de hoxe, coas gravacións, actuacións na radio e na televisión e, o que máis lles gusta e os divirte, concertos.

Festival independente de música alternativa.

A segunda edición da Escolma de Cinema Galego, que xa o pasado ano achegou con grande éxito unha mostra do Novo Cinema Galego máis actual e premiado, celebrarase este 2017 baixo o subtítulo Cinemas migratorios e cineastas galegos na emigración.

A mostra ofrecerá (completamente de balde) unha coidada selección de historias de persoas que teñen que deixar os seus vínculos cun espazo por decisións políticas e máis de olladas de cineastas galegos que constrúen os seus discursos fílmicos en culturas alleas.

A décimo sexta xeira, que se celebrará entre o 10 e o 12 de marzo vindeiros, será tamén a derradeira. A Asociación Noescaféteatro, responsable do evento, así o anunciou. Segundo lembran os organizadores, ao longo da vida do festival pasaron polo evento case dúascentas compañías que situaron a Cidade Olívica do mapa "alternativo-contemporáneo".

Tanxarina títeres pecha o festival Titerentroido 2017 coa posta sobre o escenario do espectáculo As bombas e o xeneral.

Máis información, no Museo Galego da Marioneta.