Asomarse ao mundo persoal de Ramón María del Valle-Inclán a través de boa parte do patrimonio artístico que albergaba no seu domicilio, situado no número 5 da madrileña rúa Francisco de Rojas, é o que persegue a mostra ‘Valle-Inclán íntimo’. A mostra nútrese da colección particular dos irmáns Valle-Inclán Alsina, Fernando, Miguel e Javier.
Iván Prieto é licenciado en Belas Artes pola Universidade Complutense de Madrid no 2002, completa a súa formación artística na Hogeschool voor de Kunsten en Holanda entre o 2002 e o 2003. Comeza a expor a principios dos 2000, cunha importante traxectoria na que desenvolve proxectos en diferentes países europeos e na China. Fixa a súa residencia en Galicia despois dunha etapa entre Berlín e España.
No 1º andar da Biblioteca atoparedes unha Mostra Bibliográfica de Novela Erótica, facemos un repaso pola súa historia, polos títulos imprescindibles ademáis de facer unha selección das que temos no fondo para que levedes a casa!
A exposición repasa a traxectoria artística de Manuel Ayaso, un dos pintores de referencia de Galicia nas últimas décadas.
A exposición fórmana 84 pezas do autor nado en Ribeira permite facer un percorrido polas súas diferentes etapas e estilos pictóricos.
Ayaso está considerado un vistuoso debuxante que estilisticamente se pode enmarcar dentro do expresionismo con múltiples referencias surrealistas. Entre as súas influencias destacan Goya, en particular as súas pinturas negras, El Bosco, Picasso, e o barroco español de Valdés Leal e Gutiérrez Solaina.
Esta exposición permitirá visibilizar e reivindicar a figura do polifacético artista, un dos máis destacados integrantes do denominado movemento do exilio interior.
A mostra desenvólvese con motivo da celebración do centenario do nacemento de Tomás Barros, e inclúe parte da súa obra plástica e tamén unha pequena selección das súas obras tanto de teatro como de poesía.
Trátase dunha mostra levada a cabo por Xurxo Lobato, fotoxornalista e membro da Academia de Belas Artes, onde mostra as obras dun dos artistas plásticos contemporáneos máis relevantes e recoñecidos de Galicia e o proceso de creación dos cadros.
'Acción Laxeiro' mostra a Laxeiro en plena acción así como os resultados finais desa actividade mentres Xurxo Lobato recrea detalle a detalle o proceso de creación do pintor cando pintou o cadro de gran formato "Aparición" e cando elaborou unha obra para o libro "Galegos na escaleira".
‘Fotonatureza’ é unha mostra composta por 250 imaxes tomadas por Encisa sobre flora e fauna, principalmente galegas. Paxaros, reptiles, insectos, flores (con especial atención ás orquídeas que existen en Galicia) e fungos, amósanse ao público con todo luxo de detalles, destacando o colorido, as formas e incluso o movemento dun xeito que, a maiores da calidade técnica do autor e do material utilizado, poñen de manifesto a enorme paciencia necesaria para captar a imaxe no momento xusto e efémero.
En 2023 fanse setenta anos da fundación do Moto Club Compostela, asociación deportiva e cultural de entusiastas e afeccionados ao mundo da moto con sede en Santiago de Compostela. Esta exposición é unha homenaxe para dar a coñecer a historia e evolución deste tempo. Motocicletas, fotografías, carteis, vestimentas e outros obxectos curiosos farán que os visitantes se trasladen a outras épocas, unha viaxe na que se sintan partícipes dun club de motociclistas con gran influxo e arraigamento na cidade santiaguesa.
Unha vintena de réplicas achegan ao visitante de Área Central á riqueza dos monumentos de Galicia
As maquetas están realizadas con pezas dun xogo de construcción que maravillará aos peques e espertará ás lembranzas dos maiores de 40.
A fachada da Catedral de Santiago, formada por 30.000 pezas, e o derrubado edificio Castromil se poden desfrutar nesta exposición.
Maquetas de castelos, pazos, faros e igrexas das catro provincias conforman a exposición. Organizada pola Asociación EXIN Castillos y West, conta co apoio da Xunta de Galicia.
Nesta segunda edición de Compostela Photo artistas visuais profesionais, convidados pola organización Santiago Centro Área Comercial, están acompañados por fotógrafos afeccionados, seleccionados no I Certame Compostela Photo, aberto a todos aqueles que quixeran enviar a súa imaxe.
Con este formato, a asociación de comerciantes quere converter este festival nun evento participativo e aberto, que aporte diferentes miradas e que contribúa a enriquecer o feito artístico e cultural.
