Unha discoteca para os máis pequenos da casa. Esta é a oferta de Baboo Experience, un lugar para bailar, saltar e moverse libremente ao ritmo da selección musical de DJ GuGuGaGa e proxeccións interactivas que porá en escena a VJ Mademoiselle Oui Oui.
+ info: http://www.cidadedacultura.gal/gl/evento/baboo-experience
Amargo Sueco é un dúo cómico que realiza un espectáculo de teatro musical titulado De Revista.
Nesta nova entrega queren explica por que seguen xuntos. Haberá tamén cancións e música en directo coma antes, haberá historias tan divertidas como sempre e sorpresas e imprevistos ...
O humorista Paco Arévalo e o cantante Bertín Osborne convértense en idénticos irmáns, úneos unha relación de trinta anos e coñécense coma se realmente foran eses mellizos que reza o título da obra. A idea desta disparatada e divertida proposta xurdiu dunha casualidade, segundo declarou Bertín. Comentoullo Paco coma unha broma e éste encargouse de organizalo todo para que o espectáculo vise a luz.
Pasional Tango ten como obxectivo rescatar e transmitir o máis puro e auténtico dese sentimento ao espectador, facéndoo partícipe dunha viaxe marabillosa e única ata a raíz e a esencia mesma do xénero.
O percorrido comprenderá un repertorio único, con presenza dos Tangos máis coñecidos internacionalmente, e daqueloutros que non alcanzando tal grao de difusión, resultan de obrigada cita.
Conxugaranse no escenario a profesionalidade, a experiencia e a máis pura mocidade, unidas por un fío máxico, sólido e inexpugnable co Tango, de beira a beira nun dicir amén.
Show de humor e rock and roll, conducido por Osvaldo Digón e Gary.
Unha mistura perfecta de humor e música. Monologistas e músicos en directo suben ao escenario como se fose a última.
Un insólito espectáculo que rompe moldes. Fresco e descarado, mestura cabaret, teatro, burlesque, circo, música e humor, nun ton divertido, provocador e moi sensual. Un impresionante show do que se pode gozar, comodamente sentado, mentres se toma unha copa e se pica algo.
THE HOLE 2 bebe dos espectáculos de variedades que trouxeron diversión e entretemento noutras épocas difíciles; conserva o máis transgresor daqueles días e fúndeo co mellor do cabaret, o circo moderno e o freak show de Coney Island.
Autoría e dirección: Laura Sarasola e Juan Rodríguez
Elenco: Juan Rodríguez e Suso Jalda
Caramuxo teatro presenta Feo! un espectáculo de pequeno formato inspirado no Parrulo Feo de Hans Christian Andersen.
Sinopse: A pequeno fábrica de parrulo de goma produce tódolos días centos e centos de parrulos do mesmo tamaño e cor, máis un día sae un parrulo diferente..
Simplicissimus, a primeira revista musical infantil e familiar, introduce ao espectador nun universo particular, onde a danza se une co teatro, os monicreques ou a acrobacia, nun divertimento cheo de ritmo, luz, fantasía, imaxinación e cor.
Un cóctel de pluma e pedrería onde todo é posible.
A Tripulanta Rías (Tero Rodríguez) e o Tripulante Norai (Lucho Penabade) son dous investigadores mariños que teñen distintas hipóteses para dar explicación á orixe do sal na auga do mar. El cre as teorías científicas pero ela fai máis caso dunha lenda cuxos protagonistas viviron hai moito tempo nas proximidades do lugar onde se celebra o espectáculo.
Tras representar a lenda, os dous tripulantes organizan unha grande expedición aos fondos mariños levando consigo a todo o público e facéndoos partícipes de importantes descubrimentos…
Pompas de xabón xigantes, maxia, música en directo, malabares, todo ben aderezado con humor e poesía.
Unha historia entrañable entre unha nena e unha boneca, Bubble Sister, que lle fará abrir os ollos e rexeitar os canónes estéticos impostos por unha sociedade clasicista e ás veces machista, dunha forma divertida, viaxando a través do onirico mundo das pompas de xabón.
