Espectáculo

Peza documental sobre as memorias oficiais-non oficiais da dictatura portuguesa (1926-1974) e a Revolución (1974-1975).

A través dun longo e exhaustivo proceso de investigación e recollida de testemuñas, Joana Craveiro -directora artística de Teatro do Vestido- constrúe unha maratón de catro horas e media de historia e memoria e a relación entre memorias problemáticas e conflitivas e a ausencia de estados políticos de memoria en Portugal respecto da súa recente historia.

Exposición espectáculo poético-audiovisual  ao redor da poesía de Carlos Da Aira, que se mestura e integra con actuacións musicais nas que colaboran amigos do artista.

Cantareiras, estrelas do rock ou do reggae, pedras do camiño, aparellos que falan en herzios, a memoria, a loita, o amor, a rabia, a anarquia e o caos... todo isto enriba dun escenario sem (ser)tido.

En Archive, Arkadi Zaides profunda na súa exploración artística do conflito entre Israel e Palestina. O artista válese das imaxes tomadas polos voluntarios do Proxecto B’Tselem, unha iniciativa do Centro de Información Israelí para os Dereitos Humanos nos Territorios Ocupados, que dende 2007 distribúe cámaras de vídeo entre palestinos que viven en zonas de alto conflito para documentar as violacións de dereitos humanos e expoñer a realidade da vida baixo a ocupación.

Espectáculo humorístico destes coñecidos actores no que dan vida a dous expertos investigadores Curtis & Teixeiro.

Estes personaxes desvelarán as claves do terrorismo internacional, o programa sexual dos partidos políticos e incluso as gravacións secretas horas antes do golpe de estado do 23 de febreiro de 1981. E, se dá tempo, tamén contarán a verdadeira historia de Noé. Todo desde unha perspectiva cómica e retranqueira.

Arranxos e direción musical: Santi Cribeiro e Uxía

Guillerme Fernandez: guitarra, baixo e programacións

Santi Cribeiro: acordeón e teclado

Magín Blanco: voz e guitarra

Uxía: voz e percusión

Un par de hostias en vinagre conta a historia de Petra Potemkin e Lola Lee, dúas mulleres desdobladas e unidas polo destino, independentemente da coordenada cósmica na que se encontren. Dúas mulleres que entenden o que é o amor a pesar de ignorar a diferencia entre o certo e o errado.
Un par de hostias en vinagre é un espectáculo cómico, musical e irreverente onde as actrices Sandra Lesta e Paula Sanmartín, combinan o humor acedo co absurdo para reflectir sobre a propia existencia e o fin da humanidade nun universo multiplicado.

Un espectáculo con música, baile e o máis importante de todo, un volcán en erupción de humor da man deste camaleónico actor-transformista que consegue en cada unha das fotografías que fai co público ao final da función, sexan o puro reflexo da felicidade. Un espectáculo non soamente para gozar co que se ve no escenario, tamén as gargalladas e as inesperadas reaccións do público son dignas de ver. 

Adaptación da clásica obra de The Fantasticks de Off Broadway. Cóntase a historia de dous adolescentes que forman parte dunha trama que seus pais levan a cabo, queren casalos, pero saben que se os obigan non o farán. Polo que arman unha trama na que finxen estar enoxados, os rapaces namoran, e logo todo se torce. Todo isto acompañado de boa música e diversión.

ZUGUNRUHE son eses cambios que ó longo da nosa vida quedan na memoria sensorial, física, intelectual e vital.

ZUGUNRUHE é o novo síndrome da sociedade do século 21 na que o cambio e a memoria xogan papeis moi importantes. Eses cambios que ao longo da nosa vida quedan na memoria sensorial,  física, intelectual e vital.

Eses cambios que as novas tecnoloxías non poden recordar... ou si?

Este espectáculo pode sufrir modificacións. Confirmar data e hora nos espazos da Rede galega de teatros e auditorios onde se representa.

Premio FETEN 2015 pola súa orixinalidade, precisión e musicalidade.

Estamos afeitos ver a arte como algo que perdura no tempo, como unha obra que segue sendo viva logo da morte do artista. Pero o arte tamén pode ser efémero, pode ser arte por un instante, sen necesidade de converterse en perdurable.

Borja González, da compañía Ytuquepintas, presenta un espectáculo multidisciplinario que combina arte con area, circo, música en directo, marionetas de gran formato e pintura rápida.