Espectáculo

Europa na casa é unha performance que podes levar na túa equipaxe de man.

Que é a Europa en realidade? É unha fronteira xeográfica, unha identidade cultural, unha coalición de estados? Dise máis e máis que Europa é unha idea que sempre está mudando, como o individuo pode dicir da súa propia experiencia. Rimini Protokoll contrasta esa idea abstracta de Europa coa individualidade dun apartamento privado. 15 persoas forman parte dunha performance nunha sala de estar que entrelaza historias persoais e os mecanismos políticos de Europa.

Pa cama é unha exploración de xogos entre dous amigos que antes de durmir descobren un mundo de aventuras que lles distrae do sono. A súa predisposición e inxenuidade lévaos a atopar diversión no máis sinxelo, en todo o que lles rodea, no marco dun ambiente tan acolledor coma un dormitorio. Un xogo leva a outro, dende unha pelota ata unhas almofadas que fan de ás para voar, pasando polas sabas axitándose no aire, a toalla enrolándose y desenrolándose, a luz apagándose e acendéndose, e uns pequenos monicreques en forma de ollos que se bican.

Que pode agocharse tras un castelo escuro perdido no medio das montañas?  Quizais algo que non quere ser descuberto ou quizais algo que espera que o descubran.

A Dra. Mon Champignom e o Dr. Pe Arrepío veranse inmersos nunha nova aventura aterradora nun castelo onde nada é o que parece.

Espectáculo infantil de Teatro dos Ghazafelhos para a Rede galega de teatros e auditorios. Confirmar datas e horas nos espazos onde se representa.

O pequeno león aspira a ser rei da Sabana, polo que emprenderá unha viaxe chea de perigos xunto á súa compañeira. Pronto descubrirá que as cousas non son tan fáciles como parecían e que ser o Rei de todos os animais non é tarefa fácil. Con todo, coa axuda duns amigos moi especiais logrará salvar ao rei dunha morte segura e reclamar un trono que en realidade correspondíalle. E é que nos novos tempos, a forza non é o máis importante.

Rodrigo Cuevas conduce ao público polos seus itinerarios musicais sempre en terreos fronteirizos. Pásase  do cabaret ao folk atlántico, da música étnica ao bollywood e logo ao dance, ou dos 80's á copla española. E é que Rodrigo desafía os camiños intuitivamente lóxicos. Velo cantar cantiga asturiana con movementos de danza do ventre, corpo de leñador e mirada de diva de Hollywood é unha experiencia de transciende e transgrede .

Coa música como fío condutor e coa imprescindible colaboración do público iranse debullando historias de Nadal pensadas para cativos de 2 a 5 anos e as súas familias.

O anecdotario persoal de Isi ficcionalizado para facernos rir coas historias máis divertidas do Nadal.

Brinca Vai! é un espectáculo no que o actor e músico Paco Nogueiras, acompañado dos seus instrumentos e a súa querida máquina, fai unha divertidísima viaxe chea de humor, bailes e cancións. As alegrías, as amizades, os libros, a poesía, a ecoloxía, as festas estacionais e o respecto á nosa lingua serán parte da equipaxe. Unha fantástica oportunidade de brincar e pasalo ben cos amigos e amigas nun particular camiño onde a música soa con forma dun sorriso.

Autor e director: Carlos Blanco
Elenco: Carlos Blanco e Luis Davila
Sinopse: O novo de Carlos Blanco, con Luis Davila, un debuxante de luxo. Ver debuxar a Davila en pantalla xigante, e en directo, as historias retranqueiras de Carlos.

• Novas e vellas.
• As bravas do país.
• Dora a desbrosadora.
• Os kiwis.
• O nunca visto.

Unha complexa aposta técnica (animación incluída). Con música composta para o espectáculo por Budiño e Kepa Junkera.

O 29 de decembro hai preparada unha Merenda de Nadal con tres ingredientes principais: gastronomía, música e moito humor. Porque nenos e maiores asistirán ao primeiro día de traballo de tres peculiares personaxes no espectáculo Cocido sinfónico, no que tres vagabundos se converten en cociñeiro, camareiro e xefe de cociña e nos amosarán a súa peculiar forma de elaborar un menú. Tras eles, o grupo de percusión Odaiko sorprenderá ao público ao converter calquera utensilio en música do máis virtuosa.