Espectáculo

Pasional Tango ten como obxectivo rescatar e transmitir o máis puro e auténtico dese sentimento ao espectador, facéndoo partícipe dunha viaxe marabillosa e única ata a raíz e a esencia mesma do xénero.

O percorrido comprenderá un repertorio único, con presenza dos Tangos máis coñecidos internacionalmente, e daqueloutros que non alcanzando tal grao de difusión, resultan de obrigada cita.

Conxugaranse no escenario a profesionalidade, a experiencia e a máis pura mocidade, unidas por un fío máxico, sólido e inexpugnable co Tango, de beira a beira nun dicir amén.

Show de humor e rock and roll, conducido por Osvaldo Digón e Gary.
Unha mistura perfecta de humor e música. Monologistas e músicos en directo suben ao escenario como se fose a última.

Un insólito espectáculo que rompe moldes. Fresco e descarado, mestura cabaret, teatro, burlesque, circo, música e humor, nun ton divertido, provocador e moi sensual. Un impresionante show do que se pode gozar, comodamente sentado, mentres se toma unha copa e se pica algo.

THE HOLE 2 bebe dos espectáculos de variedades que trouxeron diversión e entretemento noutras épocas difíciles; conserva o máis transgresor daqueles días e fúndeo co mellor do cabaret, o circo moderno e o freak show de Coney Island. 

Autoría e dirección: Laura Sarasola e Juan Rodríguez

Elenco: Juan Rodríguez e Suso Jalda

Caramuxo teatro presenta Feo! un espectáculo de pequeno formato inspirado no Parrulo Feo de Hans Christian Andersen. 

Sinopse: A pequeno fábrica de parrulo de goma produce tódolos días centos e centos de parrulos do mesmo tamaño e cor, máis un día sae un parrulo diferente..

Simplicissimus, a primeira revista musical infantil e familiar, introduce ao espectador nun universo particular, onde a danza se une co teatro, os monicreques ou a acrobacia, nun divertimento cheo de ritmo, luz, fantasía, imaxinación e cor.

Un cóctel de pluma e pedrería onde todo é posible.

A Tripulanta Rías (Tero Rodríguez) e o Tripulante Norai (Lucho Penabade) son dous investigadores mariños que teñen distintas hipóteses para dar explicación á orixe do sal na auga do mar. El cre as teorías científicas pero ela fai máis caso dunha lenda cuxos protagonistas viviron hai moito tempo nas proximidades do lugar onde se celebra o espectáculo.

Tras representar a lenda, os dous tripulantes organizan unha grande expedición aos fondos mariños levando consigo a todo o público e facéndoos partícipes de importantes descubrimentos…

Pompas de xabón xigantes, maxia, música en directo, malabares, todo ben aderezado con humor e poesía.

Unha historia entrañable entre unha nena e unha boneca, Bubble Sister, que lle fará abrir os ollos e rexeitar os canónes estéticos impostos por unha sociedade clasicista e ás veces machista, dunha forma divertida, viaxando a través do onirico mundo das pompas de xabón.

Un espectáculo a medio camiño entre a maxia e o contacontos dirixido polo Premio María Casares Avelino González. A través da maxia e do clown cóntase a lenda de Brancaflor. Os 11 pretendentes de Brancaflor asócianse co seu respectivo xogo de maxia e ela terá que seleccionar ao seu noivo ao longo dunha hora de maxia, contos e humor para grandes e pequenos.

Os Sete Magníficos máis Un propoñen un espectáculo de animación á lectura dunha maneira distinta: a partir de sinxelos xogos de maxia, do clown, da participación do público e da marabillosa tradición narrativa galega.

Brais das Hortas e a Marta Ortiz son dous magníficos contadores, que nos levarn a vivir aventuras por África da man de dous amigos inseparables e tamén da man da música feita con moitos aparellos domésticos reciclados.

Dirixida ao público familiar, esta montaxe de 50 minutos trae novas aventuras de Antía e Wamba. 

As persoas que desexen asistir poden recoller a súa invitación na Casa da Cultura de Cambre, na Biblioteca e no Museo de Cambre.

Ficha artística:
Creado e interpretado por Areta Bolado,
Noelia Castro, Ailén Kendelman
Idea orixinal e texto: Areta Bolado
Música orixinal: Ailén Kendelman
Construción de monicreque: Iria Roibás Esteve
Iluminación: Montse Piñeiro
Deseño vestiario: Uxía P. Vaello
Confección: Vaello
Imaxe gráfica: Noelia Castro
Fotografía: Pilar Abades
Vídeo: Pilar Abades e Illa Bufarda
Asesoría en movemento: Laia Oliveras
Asesoría en manipulación de monicreque: Alba Grande