Espectáculo

Sinopse: Había unha vez que non había nada máis que pedras, entón chegou unha nube, choveu e formouse un manancial. Coa chegada da auga creceu a herba e na herba as flores e as árbores, na auga naceron os peixes e as ras, despois chegaron os insectos, os paxaros, as ovellas, o lobo..., en fin, a vida. Pero, que acontece cando un día a auga desaparece?

Duración 35m

Entradas www.ataquilla.com e na billeteira do Auditorio dúas horas antes da función ou na Sala de Exposicións Afundación (Praza Maior, 4).

A asociación Teatro Universitário do Minho presenta o espectáculo O manual da Felicidade, dirixido polo director artístico João Negreiros.

Neste espectáculo o autor João Negreiros canta e interpreta os poemas do seu último proxecto, O manual da Felicidade. O obxectivo deste proxecto é axudar ás persoas a convertirse nos actores da súa propia vida, para que cheguen á realización do seu propio manual da felicidade.

O público está invitado con este espectáculo a viaxar no seu propio imaxinario, para aprender que cambiar para mellor é o camiño máis fácil.

Algo que empezou cunha pluma o cun cincel, co paso do tempo convertiuse nunha máquina voraz e inerrable de éxito e de poder que baixo o imperio das novas tecnoloxías multiplicou a súa produción. Zenit.

Els Joglars, unha das compñaías máis lonxevas e populares de España, estrea Zenit, unha sátaria sobre os medios de comunicación e sobre como o xornalismo evolucionou, na súa opinión, desde a necesidade de transmitir información veraz ao puro entretemento.

Tras Tannhaäuser é a segunda produción de Feira do Leste, un espectáculo enmarcado nas novas linguaxes teatrais que continúa o camiño iniciado coa súa primeira montaxe, 'Exilio das Moscas' (2016).

A mestura de diversos xéneros e disciplinas artísticas coma o teatro ou a danza, transpórtanos ao mundo dos soños e dos pesadelos de tres mulleres que procuran a súa liberdade.

Escenas do Cambio conta unha historia posible do teatro. Nesa historia, Muerte y reencarnación en un cowboy preséntase como un desafío a vivir no abismo de cada instante e un dos puntos máis altos da obra de Rodrigo García. A peza fala da risa, da amizade, da parella e de todas esas cousas transcendentais que se foron perdendo e que nos condenan a unha irremediable soidade. Rodrigo García, fiel profeta destes tempos electrónicos, é capaz de ver máis aló e o di alto e claro. Sen dobres tintas, sen precaucións. E iso fai dano.

Introducing the star é un espectáculo de danza, unha película e un álbum de música. A peza fala sobre a necesidade de comuñón en situacións de éxtase colectivo físico e sonoro, e formula a posibilidade de crer nunha figura que sirva de facilitador para estas experiencias, un personaxe chamado The Star. Para si aprópiase do imaxinario e as estratexias do pop, deconstruíndo a identidade rotunda do líder noutra identidade mutable e imprecisa, reflectora. Introducing the Star é un xerundio, a introdución a un imaxinario cosmogónico.

“Hai tres anos, Jorge Mateluna colaborou na creación da obra Escuela. Ese mesmo ano, a policía detívoo a varias cuadras do asalto a un banco e acusouno con probas discutibles. Agora está preso, condenado a 16 anos de cárcere. Nós cremos que o xuízo que o condenou é inxusto, e a obra Mateluna tentará discutir a súa posible inocencia”.

É o resultado do obradoiro que Loreto Martínez Troncoso e Alejandra Pombo levarán a cabo durante a semana do 6 ao 11 de febreiro no marco de Escenas do Cambio.

Antes de la metralla non pretende ser unha representación. É un encontro real entre persoas que por unha parte aportan o seu punto de vista e, por outra, están dispostas a amosarse máis alá do refuxio da palabra. O obxectivo é expoñer algunhas orientacións e interpretacións da escena contemporánea desde diferentes ángulos, perspectivas ou implicacións.

Aparato radicalé un monólogo polifónico, ramificado, exuberante, reiterativo, divisible e sésil. A súa protagonista é unha muller, que non é un individuo; é unha multitude, un enxame. Esta non é unha obra animal, é unha obra vexetal. Baseándonos no pensamento revolucionario de filósofos das plantas como Michael Marder e neurobiólogos vexetais como Stefano Mancuso, a exploración consiste en sondar os modos en que novos conceptos como a intelixencia vexetal, a alma vexetativa ou a comunicación vexetal poden transformar a nosa práctica creativa.