Sesión de contacontos con actividades relacionadas coa historia narrada.
Actividade pensada para nenas e nenos de 4 a 6 anos.
Para asistir a ela é necesario facer inscrición previa chamando aos teléfonos 988 788385 e 988788386 desde o venres anterior á actividade.
Espectáculo de narración oral para público familiar da man da mestra e contadora Vero Rilo que nos achega unha selección de contos de autor, tradicionais e de recollida, xunto con xogos cotiás que xa non o son tanto. Un achegamento á memoria tradicional e familiar compartida.
No salón de actos. Para nenas e nenos de 3 a 8 anos. Entrada libre ata completar a capacidade da sala.
Os dedos non só serven para aloumiñar e facer cóxegas; ensináronme que os dedos das mans tamén contan historias. Se queres que os meus dedos acaricien as túas orellas con contos, ven este venres á biblioteca.
No salón de actos. Para 15 nenas e nenos de 0 a 3 anos. Cada unha delas estará acompañada dunha persoa adulta. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
Contos como un xeito de reivindicar o labor e o legado das escritoras ao longo da historia a partir da narración dos seus relatos. A pesar de todos os obstáculos que tiveron que vencer, na historia da cultura houbo grandes escritoras. Con esta actividade de narración oral lembrarémolas e celebraremos os seus escritos.
No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.
No cumio da montaña mora o mamut e no máis fondo do val vive Gor, o fraco cavernícola, que ten un só pensamento: facer unha empanada de mamut.
Sabéndose home de moita imaxinación e poucos recursos, Gor proponse recrutar unha tropa de cinco amigos, tan famentos coma el, para conseguir as ferramentas imprescindibles para a gran fazaña de cazar un mamut: unha lanza, un carro, unha pota e leña para o lume. A fame aguza o enxeño. E o lume, pide contos.
Convidámosche ao fantástico castelo dun rei moi peculiar. Grazas ao criado do rei, o amable (e estresado) Jenkins, poderemos participar nun auténtico baile medieval.
No salón de actos. Para nenas e nenos de 3 a 8 anos. Entrada libre ata completar a capacidade da sala.
Elas sempre contan, escriben, pintan, imaxinan outros mundos...
Elas son escritoras que loitan por construir un mundo mellor a través da palabra.
É necesario facer visible o traballo das mulleres na literatura e combater a discriminación que sufriron ao longo da historia.
Vide coñecer relatos das miñas escritoras favoritas...
Contos con manipulación de obxectos para nenas e nenos a partir de cinco anos.
-Data e hora: 14 de outubro ás 18 h
-Público destinatario: nenas e nenos a partir de cinco anos
-Entrada de balde ata completar aforo
Actividade de narración oral que lembra e reivindica as figuras das principais escritoras.
Idade: de 4 11 anos.
Veterinario ROF
Juan Rof Codina coma moitas outras nenas e nenos sempre quixo ser veterinario... e conseguiuno!
Para iso tivo que viaxar, aprender moito e superar moitas adversidades.
En outubro de 2022 é homenaxeado co Día da Ciencia en Galego.
-Público infantil, a partir de 3 anos
-Entrada de balde ata completar aforo
Quico Cadaval dá forma a un espectáculo a medio camiño entre a narración tradicional, a épica escénica e o cabaret literario partindo de “Ornithology”, un dos máis populares temas de jazz. Pablo Castaño completa as progresións de Cadaval co seu saxo, reinterpretando clásicos do Bebop.
