Contacontos/Narración oral

Texto de presentación da actividade

Cando a avoa Carmela sacaba do seu peto de superheroína un bocata de mortadela, había conto para a nena. Unha tarde, decidiu contarlle a verdadeira historia da familia dos porquiños máis famosa do mundo dos contos. 

Amor e respeto polo medio ambiente, unha versión feminista e gamberra dos Tres porquiños, humor, música e moitos contos, son os ingredientes desta sesión de contacontos musical.

Programa

Animación á Lectura

Público/s ao/aos que vai dirixido

Texto de presentación da actividade

Aba é unha pirata que se pasa tooooodo o ano viaxando no seu barco pirata, soamente queda en terra firme unha vez ao ano para contar as aventuras terroríficas cheas de monstros e pantasmas que lle pasan nesas viaxes. Estades preparados para vivir con ela esas aventuras?

 

Programa

Día das bibliotecas

Público/s ao/aos que vai dirixido

• Nenos e nenas (+3 anos)

Duración

45 minutos

Sesións

Texto de presentación da actividade

Contacontos musical co escritor R. J. Peralta e a ilustradora Blanca Millán.

Os autores de "As filloas de Manora" e "Acouba Babau", contan e tamén cantan os seus contos para a cativada.

Unha actividade dinámica e participativa na que, a través de varios álbums ilustrados, contamos, conversamos e cantamos  de temas como a tradición das filloas, o labor dos avós nas nosas familias e a amizade.

Programa

Día das Bibliotecas . 24 de Outubro.

Texto de presentación da actividade

Os monstros e criaturas da mitoloxía galega non se senten aceptados polo resto do mundo e precisan axuda das cativas e cativos. Poderá a rapazada, coa axuda do sabio mago, axudar a estes seres a superar os seus medos e preocupacións? Historia participativa na que se mestura a tradición galega coa aceptación da diversidade e a autoestima.

 

Programa

Día da Biblioteca

Público/s ao/aos que vai dirixido

Texto de presentación da actividade

O paroleiro é moi amigo de parolar...gosta de laretear,enredar, falar e de contar. Conta sucedidos,historias e sobre todo moitos contos que leve na súa memoria, nas súas maletas,nos seus petos e nos seus zapatos.Esta sesión de contacontos é unha colección de relatos que amosan a grande variedade e riqueza da literatura infantil e da tradición oral.

 

Público/s ao/aos que vai dirixido

• Nenos e nenas (De 4 a 10 anos)

Duración

50 minutos

Texto de presentación da actividade

Da man dun personaxe moi especial os nenos e nenas descubrirán os segredos máxicos que se esconden nos andeis da biblioteca. Dinámicas escenas de fantasía, asombrosas narracións, ciencia, poesía, musica, … sorprenderán aos participantes, animándoos a buscar, os tesouros que a lectura nos ofrece emoción, misterio, diversión… E o máis importante: Todo nun mesmo lugar, a nosa biblioteca

Programa

Celebración do Día das Bibliotecas

Público/s ao/aos que vai dirixido

Texto de presentación da actividade

Elas é un espectáculo de narración oral para público infantil da man da mestra e contadora Vero Rilo (Daboapipa, Rilo&Penadique, Apatacón, Pallasos en Rebeldía), onde achega unha selección de historias de vida, de autor/a, tradicionais e de recollida sobre igualdade.

Elas somos nós.

Programa

PROGRAMACION DE OUTONO

Público/s ao/aos que vai dirixido

• Nenos e nenas (3-8)

Duración

45 minutos

Texto de presentación da actividade

Roupa tendida é un espectáculo de narración oral que procura afondar na literatura de tradición oral.

Contar hoxe os contos de onte permítenos reflexionar sobre as nosas crenzas, observalas coa perspectiva do tempo, contalas desde a visión daquelas pequenas que se fixeron grandes e cuestionaron unha e outra vez o papel das silenciadas, das subversivas, das que non tiveron voz.



 

Programa

Actividades derradeiro trimestre do ano

Texto de presentación da actividade

A famosa bandoleira Pepa a Loba, chega ata un refuxio onde poder acubillarse: é a taberna da que tanto lle falara súa nai. Decide poñela de novo en funcionamento coa axuda da súa inseparable gavela. Alguén lle fala dun cobizado tesouro... Atréveste a procuralo con ela? Somérxete de cheo nesta aventura carregada de música, títeres e intrigantes historias.

Programa

Ciclo Mes da Biblioteca

Público/s ao/aos que vai dirixido

Texto de presentación da actividade

Este queixo queixolán, esta boca pide pan, este naris pis pis, esta testa testaruda e estes peliños de punta.

Temos unha riqueza espectacular na nosa tradición oral que precisa ser recuperada.

Sesión de contos, arrolos, cantos, xogos e ladaíñas para bebés e acompañantes.

Público/s ao/aos que vai dirixido

• Bebés (0 a 3 anos)

Duración

35 minutos

Sesións