Contacontos/Narración oral

Ata fai moi pouco tempo os contos infantís reflectían un mundo onde os mozos eran sempre os heroes que salvaban a unha débil princesa. E case nunca aparecían mozas decididas e resoltas. Pero agora podemos contar con contos que transmiten valores de igualdade, de respecto e convivencia entre nenas e nenos e entre mulleres e homes.

Nesta sesión de contacontos agardan por nós viaxes cheas de aventuras nas que coñeceremos a nenas e mulleres bravas que loitaron contra os prexuízos para conseguir os seus soños

-Público familiar,  a partir de 5 anos

Divertida sesión de narración oral a cargo de Bea Campos na que se reflexiona sobre a igualdade entre as nenas e os nenos e os valores de respecto entre todos.

- Público familiar, a partir de 3 anos

-Entrada libre ata completar aforo

Na tarde do luns de Carnaval, 20 de febreiro, o Museo Centro Gaiás vaise encher de dinosauros e robots, Faraóns e cavernícolas, pintoras renacentistas, cabaleiros medievais e intrépidas piratas dos sete mares. E por suposto de viaxeiras e viaxeiros do tempo de toda caste, que acompañarán a Pakolas e á nosa avoa do Courel favorita nunha das súas aventuras, desde o futuro ata o Cretácico, para bailar e cantar ata quedar sen folgos "charamelas grandes como estrelas, átomos perdidos na súa colisión!!".

Tilintilonia é un pequeno planeta habitado por dúas mulleres, (Tilín e Tilón cada unha co seu son). Elas descubrirán un mundo cheo de texturas, cores, sons e fantásticos seres que xorden coa música e onde o vento e a auga convértense en elementos de xogo.Dous seres espertan en Tilintilonia a un mundo máxico no que descubrir novos sons e melodías, novas texturas, onde deixarse levar pola fantasía e os sentidos.
É un espectáculo para bebés que pretende o estímulo dos sentidos e que viaxa a través das sensacións e das emocións.
Ficha artística

Partindo de cousiñas cotiás e cercanas aos bebés contaremos pequenas historias enlazadas con ditos, xogos e cancións tradicionais e algunha composta adrede para esta función.

-Público destinatario: bebés de 0 a 3 anos (acompañados de ata dous adultos)

-Hora: 18:00 h

-Inscrición previa a partir do 8 de febreiro ás 09:00 h.

Un equilibrio entre o animal e o humano, unha danza entre o inútil e o belo. Tres personaxes constrúen e destrúen o presente sen máis obxectivo que desafiar ao aburrimento. Coñécense tanto que non necesitan falar. Habitan un mundo no que pasou algo, pero non sabemos o que. Buscan dentro de latas un pouco diso, que ao compartirse  se multiplica. Unha invitación a xogar indiferentes a calquera pensamento. Un momento de felicidade compartida, cun pé neste mundo, e outro nunha terra sen tempo.
 
Ficha artística
Idea e produción: Compañía D’Click

Ven a celebrar o DÍA MUNDIAL DO CIRCO ao Auditorio de Galicia coa Gran Gala de Circo anual que o Concello organiza en colaboración con Pistacatro.
As Galas de Circo inscríbense na mellor tradición dos espectáculos de variedades, tanto dos circos coma do music-hall, onde se poden mesturar os números de malabares, a canción, os números de humor, os monólogos, as acrobacias e os pasos de claqué, entre outros.

"Chocolaaaaate, moliniiiiiillo. Corre, coooorre. Que te piiillo.

Hai algo máis ruidoso que un muíño? ¿Pero un muíño non é silencioso?

Muíño de café? Muíño de vento?

A escoitar! A escoitar! Que unha historia vou contar."

A través dun muíño de café, un muíño de vento e un muíño musical contaranse tres historias que farán as delicias dos máis pequenos da casa. Un marco branco e limpo, para historias coloridas e divertidas.

Duración: 35 minutos.

Inscrición previa na biblioteca ou no teléfono 886 120 445.

Nano está a aprender o nome das cousas, as cores, aos poucos, todo o fai xogando ata que lle toca compartir a auga da súa cunca amarela co pequeno paxaro vermello, Pío: -Non!,di Nano, a auga é miña…

Duración: 30 minutos.

Inscrición previa na biblioteca ou no teléfono 886 120 445.

Contacontos en inglés cunha pequena actividade manual relacionada cas emocións, e traballarán os valores e emocións que se representas no conto. E en cada parte do conto farán pequenas paradas de compresión para que os pequenos e pequenas interactúen.

Duración: 45 minutos.

Inscrición previa na biblioteca ou no teléfono 886 120 445.