Desde moi pequenos temos a capacidade de cuestionar, xogando e reflexionando, as preguntas esenciais da vida.
Esta contada pretende, ademais de entreter, ser unha reflexión lúdica sobre o que somos e sobre o que non sabemos pero que tamén forma parte da nosa vida.
No salón de actos.
Para nenas e nenos de 3 a 8 anos.
Entrada libre ata completar a capacidade da sala.
Charlie está namorado segredamente de Gina, a súa veciña, pero eles sempre pelexan e gástanse bromas pesadas. Como poderían facer as paces?
No salón de actos.
Actividade dirixida a público infantil.
Entrada libre ata completar a capacidade da sala.
Partindo de cousiñas cotiás e cercanas contaremos pequenas historias enlazadas con ditos, xogos e cancións tradicionais e algunha composta adrede para esta función.
Unha exploradora chega á biblioteca co afán de compartir as narracións escoitadas nas súas expedicións ao longo do mundo. Ante os ollos dun público participativo, a exploradora dramatizará diferentes lendas, contos e mitos, coa axuda dalgúns pequenos tesouros recollidos nas súas viaxes.
Grazas á música, o bardo Abelardo conseguiu traducir á linguaxe dos humanos os sentimentos dos seres que habitan no fondo das fragas, dos ríos e dos mares.
Como a súa cabeza está chea de paxaros, voa de vila en vila e de cidade en cidade contando e cantando historias que falan de paz, solidariedade e respecto á natureza.
No salón de actos. Para nenas e nenos de 3 a 8 anos. Entrada libre ata completar a capacidade da sala.
A Federación de Asociacións de Persoas Xordas de Galicia interpretará contos na lingua de signos para as persoas que non poden ouvir e en voz alta para as demais.
No salón de actos. Para nenas e nenos de 3 a 8 anos. Entrada libre ata completar a capacidade da sala.
No marco de Os sábados, choiva de contos teremos o contacontos “A historia en feminino”, a visibilización de mulleres ao longo da historia.
Ana Hermida fará un achegamento ao público infantil das moitas e sobresaíntes, así como descoñecidas mulleres que houbo ao longo da historia e que foron borradas da mesma.
Científicas, guerreiras, inventoras, aventureiras, deportistas, escritoras, músicas… todas teñen cabida nesta historia en feminino.
No salón de actos. Actividade dirixida a nenas e nenos de 3 a 8 anos. A entrada é libre ata completar a capacidade da sala.
Este martes a maxia volve á Biblioteca a cargo de David Méndez co seu espetáculo, "Badabín Badabán" para nenas e nenos de 4 a 11 anos.
Para asistir precísase facer inscrición previa dende o venres anterior á actividade chamando aos números de teléfono 988 788385 / 386
Unha bela historia sobre sombreiros máxicos que nos levan a descubrir a importancia de ser un mesmo e buscar os tesouros que levamos escondidos no noso interior.
Actividade pensada para nenas e nenos de 4 a 11 anos.
Para asistir precísase facer inscrición previa dende o venres anterior á actividade chamando aos números de teléfono 988 788385 / 386
Teatro visual para bebés.
Un cociñeiro e a súa pinche pretenden cociñar con todo o seu sentimento, pero ás veces o sentimento desaparece e non poden cociñar.
Farán falta ingredientes, unha culler para remexer e moita paciencia para facer a comida con agarimo e amor.
Actividade para bebés ( de 1 a 3 anos) acompañados dunha persoa adulta.
Para asistir é necesario facer a inscrición previa dende o venres anterior chamando aos número de teléfono 988 788385 / 386.
