Contacontos/Narración oral

Celebramos o Día do Libro co contacontos “Sorpresa!” da man de A Xanela do Maxín. Caixas sorpresa cheas de historias, aventuras e fantasía! Contos e relatos empaquetados de agarimo. Cada caixa é única e especial e farémonos moitas preguntas para intentar descubrir o seu contido, utilizando a imaxinación e creando, case sen querelo, personaxes fantásticos e historias incribles. E cando se abran as caixas revelarase o que realmente agochan no seu interior. Parécese ao que imaxinamos? Non? Cantos contos caben nelas? E na nosa cabeza?

Para celebrar o Día do libro, contaremos e cantaremos contos que poidades logo atopar na biblioteca en forma de libro. Historias para ler e escoitar.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Unha sesión de contacontos para que as máis cativas e cativos escoiten, rían e soñen. Os petos son lugares ideais para gardar de todo, incluídos libros de contos que gardan mil e unha historias. No peto da dereita van os contos para rir e para pasalo ben; nos petos da esquerda van os contos de medo e os que fan chorar. Así que hai que ter moito coidado cos contos que van nos petos.

No salón de actos. Para nenas e nenos de 3 a 8 anos. A entrada é libre ata completar a capacidade da sala.

Contos e versos para celebrar o Día da Literatura Infantil e Xuvenil.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Porquiño acaba de nacer. Aínda que ao principio só lle interesa comer e durmir, pouco a pouco vai descubrindo o mundo que o rodea. Pero como é despistado ás veces pérdese e coñece outros lugares.

No salón de actos. Dirixido a nenas e nenos de 0 a 3 anos. A entrada é libre ata completar a capacidade da sala.

Orella corazón é un espectáculo que reúne un conxunto de historias para ser escoitadas con tódolos sentidos dende a música do amor. Un contacontos que nos leva a un universo no que todo é posible, sempre que escoitemos cos ollos e as orellas ben abertas.

Duración: 35 minutos.

Idade: de 0a 3 anos.

Inscrición previa na biblioteca ou no teléfono 886 120 445 a propia semana da acividade.

Contaremos pequenas historias encadeadas con cancións, ditos e xogosda nosa tradición e tamén algunha composta adrede para estas funcións.

Idade: de 0 a 3 anos.

Duración: 30 minutos.

Reserva de praza a propia semana da actividade na biblioteca ou no teléfono 886 120 445.

Un espectáculo incrible para toda a familia.
En Pulgarcita, o público atoparase cunha historia chea de aventuras nas que o noso protagonistaenfrontarase ao Rei Troll Bunga Lunga coa axuda de Klaus, un paxaro poeta amarelo limón, un mariñeiro que émáis perdido que un peixe globo nun avión de carretilla elevadora e das fermosas libélulas de Dalton. Unha aventura que ensinará a importancia da amizade, a imaxinación e loita contra a contaminación.

Contacontos en inglés cunha pequena actividade manual relacionada, e se traballarán os valores e emocións que se representan no conto. En cada parte do conto farán pequenas paradas de compresión intentando que os pequenos e pequenas interactúen.

Idade: de 4 anos en adiante.

Duración: 60 minutos.

Reserva de praza na bilioteca ou no teléfono 886 120 445 a propia semana da actividade.

Anxo Moure transfórmase nun vello home lobo da Serra do Faro, no centro de Galicia, para levar ás nenas e nenos da biblioteca ate o mundo da fauna e da flora dos parques naturais de Galicia nunha aposta polo coñecemento da contorna.

Este espectáculo promove o que deben facer as máis pequenas e pequenos no seu día a día para salvar o bosque dos contos. 

Idade: de 4 anos en adiante.

Duración: 45 minutos.

Reserva de praza na biblioteca ou no teléfono 886 120 445 a propia semana da actividade.