Contos para os máis cativos da casa onde a través de estímulos visuais, auditivos e espaciais mergullaranse en historias de simpáticos personaxes que, como eles, queren descubrir o mundo que os rodea.
Sesións para bebés ( de 1 a 3 anos) acompañados dunha persoa adulta. Para asisitir é necesario facer a inscrición previa dende o venres anterior á actividade chamando ao número de teléfono 988 788 385.
“A musa dos pobos” é un espectáculo que ten como punto de partida a vida e obra de Rosalía de Castro, da que Servando Barreiro fai unha recreación poética e musical en base a súa poesía e biografía.
O resultado é un espectáculo no que se combina narración oral, poesía e cantigas.
Para nenos e nenas de 4 a 12 anos
Duración: 45 minutos
Salón de actos (completar aforo)
Esta é a historia dun cazador de contos, Peter Hamelin Merlín tamén chamado “Ti”.
Os contos son como bolboretas ou avionciños de papel, hainos grandes e pequenos, hai bolboretas amarelas e contos alegres, hai bolboretas negras e contos tristes, e todos voan por ese marabilloso Mundo das Ideas, no País dos Contos que podedes atopar cando pechades os ollos e pensades...
“Ti” caza contos e ponos en gaiolas que el mesmo fai coas palabras e así, entrégallos a nenos e nenas que abrirán as gaiolas para que saian voando as historias.
Para nenos e nenas de 4 a 12 anos
É noite na granxa de Xan. Soa un espertador. Como todas as mañás o galo érguese antes de que saia o sol, sube ao alto do tellado e disponse a cantar dándolle permiso ao Sol para que apareza destrás das montañas. Pero ese día algo sae mal. O galo non ten forzas para cantar; e se o galo non canta todo o mundo sabe que o sol non se levanta… Non será que Xan se esqueceu de darlle a cea aos animais antes de ir para a cama a noite anterior?
Unha función chea de animais, pequenas historias e cantigas para recrear o día a día na granxa de Xan.
Rosalía de Castro brilla no firmamento e é a estrela que nos ilumina a todos nós.
Poemas e contos para compartir, cargados da musicalidade da poesía de Rosalía de Castro. Un achegamento á poesía e á narración oral dun xeito lúdico, divertido e saboroso.
Dirixido a público infantil de idades entre 3 e 8 anos.
No salón de actos. A entrada é libre ata completar a capacidade da sala.
Un conto que nos mostra a importancia de expresarnos a través da arte e a non renunciar aos soños cando nos encontramos con obstáculos.
A perseverancia, o traballo e a paciencia axudarannos a chegar a tocar as estrelas.
Dirixido a público infantil de idades entre 3 e 8 anos.
No salón de actos. A entrada é libre ata completar a capacidade da sala.
Cales son as tres actividades que adoitamos facer no Entroido? Disfrazarnos, gastar bromas e pasalo ben! Iso mesmo é o que fan os animais protagonistas destas historias: un porquiño pintor, un corvo músico e a tartaruga máis vella do mundo.
No Entroido disfrazámonos para ser outra persoa ou quizais estamos disfrazados todo o ano e só nestas datas deixamos saír o noso lado máis salvaxe?
Dirixido a público infantil de idades entre 3 e 8 anos.
No salón de actos. A entrada é libre ata completar a capacidade da sala.
Sesión de contacontos na que un fabricante de zapatos da vella fábrica de Montealegre chega á biblioteca para camiñar con zapatos de cartón polos contos e as historias na procura da carta dos bosques para coidar a terra.
Dirixido a público infantil de idades entre 3 e 8 anos.
No salón de actos, a entrada é libre ata completar a capacidade da sala.
Contacontos en inglés cunha pequena actividade manual relacionada, e se traballarán os valores e emocións que se representan no conto. En cada parte do conto farán pequenas paradas de compresión intentando que os pequenos e pequenas interactúen.
Idade: de 4 anos en adiante.
Duración: 60 minutos.
Reserva de praza na bilioteca ou no teléfono 886 120 445 a propia semana da actividade.
Cancións que son contos e contos que se cantan.
Para desfrutar do ritmo das historias.
Idade: de 0 a 3 anos.
Duración: 30 minutos.
Reserva de praza a propia semana da actividade na biblioteca ou no teléfono 886 120 445.
