Historias da Curripa: romances, viaxeiros e aparecidos é un lego oral e humorístico que nace ao abeiro das "curripas", que así lle chamaba a xente maior nalgunhas zonas de Galicia aos camiños abandonados ou engulidos polo progreso ou a natureza. Neste feixe de historias e contos fúndese o moderno coa tradición, o rural co urbán e a literatura culta coa chamada literatura oral.
O Apalpador é un personaxe da tradición popular galega nado no Courel. Está ligado ás festas do Nadal e gústalle compartir connosco estes bonitos días. É un pastor mangallón e bo, de mirada doce e longas barbas coloradas que, co seu abrigo cheo de remendos e a grandes zancadas, percorre Galicia enteira.
O instinto cómico de José Manuel Rodríguez, máis coñecido como Isi, permaneceu durante anos agochado no ámbito doméstico natal até que un bo día gañou o televisivo concurso de chistes O Rei da Comedia. Desde entón, milleiros de espectadores poden gozar na televisión ou nos escenarios da arte de Isi para convertir os momentos cotiás en memorables anécdotas coas que escachar da risa. As historias sobre a súa particular familia con tres nais e sobre os seus histriónicos veciños e o falar rápido e nervioso son a súa especialidade, sen esquecerse dos mellores chistes de sempre.
Contacousas para tódolos públicos.
A música e as letras combínanse neste espectáculo do que ti tamén formarás parte. Só tes que traer o teu mellor sorriso!
Carlos Taboada cóntalles aos nenos e nenas a historia de Cósimo para salvar ó carballo centenario no que vive. Os nenos e nenas van ilustrando o relato nun panel que os cativos, despois nun obradoiro de ilustración, contribúen a colorear.
Na peor das épocas posibles, de entre o tedio, o desemprego e os grupos de whatsapp, xorden as "Morgadeces". Non serven para nada, non producen beneficios, nin engordan nin adelgazan, e tampouco desgravan. Pero… e o tempiño divertido que se pasa?
O grupo Trécola leva a cabo actividades lúdicas e instructivas para os rapaces entre 6 e 12 anos.
Humor e retranca da man de Rober Bodegas. O recoñecido monologuista subirá ao escenario para facer rir aos asistentes co seu espectáculo "Antología sin filtro", unha recompilación dos seus mellores monólogos cos que leva arrancado ducias e ducias de gargalladas. Pero "Antología sin filtro" tamén inclúe unha parte nova na que Bodegas fala de vivencias sexuais reais e fracasos sentimentais.
A Federación de Asociación de Persoas Xordas de Galicia interpreta contos na lingua de signos para os que non poden ouvir e en voz alta para os demais. Para nenos e nenas de 6 a 12 anos.
A cargo de Lisístrata, sesión de contacontos para nenos e nenas a partir de 3 anos, na que se afonda no respecto ao medio
Sinopse: Somos parte da natureza, somos naturais coma as árbores, a auga, os paxaros..... xogando e contando, defendemos e concienciamos da importancia do noso hábitat e así respectalo e coidalo
