Unha banda que opera fóra do espazo e do tempo. Así define a crítica a Flamingods, escollidos porThe Guardian como unha das bandas do momento.
Con base en Brixton, formado en Barhein e fortemente influenciados pola música de danzas tribais e a cultura rave, Flamingods ofrece sons trotamundos que nos transportan aos máis lonxanos confíns da conciencia.
Comisa Bal é un novo proxecto músical integrado por Gutier Álvarez (Violín Trompeta) e Javi Sexto (Acordeón).
Música en pequeno formato, a través deste espectáculo faise un percorrido polos ritmos bailables que estiveron presentes nas salas de baile durante a primeira metade do século XX, onde a música acompañaba sutilmente a actividade intelectual e social dos oíntes.
Esta programación pode sufrir modificacións. Confirmar datas e horas nos espazos onde se representa.
Dúas grandes artistas e tamén amigas compartindo escenario, talento e sensibilidade; unindo tradicións e facendo un camiño longo no seu percorrido xeográfico pero moi curto no debuxo das emocións, profundas e salvaxes, que as dúas interpretan de forma máis orgánica e natural, espindo a voz.
Eliseo Parra creceu sempre acompañado pola música. Como músico profesional acompañou a Ovidi Montllor, Gato Pérez ou María del Mar Bonet, entre outros. A partir de 1983, co grupo Mosaico, empeza a facer música máis tradicional. Realizou tamén traballo de campo xunto a Jose Manuel Fraile e colaborou con el nos seus libros e discos como transcritor musical. Actualmente é un recoñecido profesor de percusión e canto tradicional.
Carmen París é unha artista aragonesa, creadora e intérprete, que irrompeu, na primavera de 2002 no panorama musical nacional con "Pa' mi genio", un disco que revisaba o folclore aragonés dende un punto de vista universal e contemporáneo. O seu segundo disco "Jotera lo serás tú", ampliou aínda máis o seu desprexuizado universo musical irmandando o jota con habaneiras, chotis, rancheiras e ritmos do folclore castelán ou brasileiro.
Abraham Cupeiro e Vadzim Yukhnevich presentan Compromiscuo, o seu primeiro traballo discográfico no que desenvolven un tipo de música que emana de distintos estilos como o jazz, a rapsodia ou a música clásica e á que aportan o seu selo especial nun eclecticismo desenfrenado. Conectan o inusual cornetto barroco co tango arxentino ou a gaita irlandesa con J.S. Bach. Aínda que o instrumento que máis curiosidade vai despertar será o Karnyx, unha especie de xigantesca trompeta céltica da época dos romanos, que impresiona pola súa poderosa presencia e a súa sutil sonoridade.
Música, solpor e unha atmosfera única. O noso imprescindible do verán xa está aquí. Porque do 2 de xullo ao 29 de agosto volve Atardecer no Gaiás, o ciclo co que a Cidade da Cultura lle pon banda sonora ás tardiñas do verán.
A praza central é o escenario dun total de 24 actuacións en pequeno formato con grandes nomes. Todos os xoves, venres e sábados, a partir das 21:00 horas, unha cita do máis refrescante. Porque xa sabes, este verán desexarás que se poña o sol!
Xullo 2015
Xoves, 2. Puma Pumku.
Venres, 3. Amatria.
Cardova son catro compoñentes tocando funk.
Pasou pouco máis dun ano dende a presentación de "Eso sí que lo sé" e Yani Como presenta unha nova colección de cancións: Nunca Te Aburres-2014
O cine foi un referente vital na traxectoria da banda e por fin esta relación plásmase nun disco de 8 cancións que son o alter ego de 8 películas que foron importantes para o grupo. Cancións que naceron tanto nas súas letras coma na súa música despois de volver ver eses films que forman parte das súas vidas.
Proxecto que busca a unión de maiores e pequenos a través da arte nun proxecto conxunto con música en directo a cargo da Banda de Música de Chantada.
Esta actuación forma parte do programa de Encontros de Artes pola Integración, que ten lugar na Cidade da Cultura, Salón Teatro e diferentes puntos da capital de Galicia.
