Concerto

Treixadura constitúe dende 1990, un espectáculo musical sorprendente. A música tradicional observada desde dúas concepcións ben arraigadas: o canto e a gaita.

Durante ese tempo o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, tentando  elevar a interpretación da música tradicional ao máximo nivel artístico e escénico.

Ao longo da súa traxectoria son moitas as melodías que rescataron do anonimato e outras tantas creadas para que a cadea de transmisión da música tradicional continúe viva.

No marco das Festas da Reconquista en Vigo, o Centro Cultural Camões organiza unha serie de conferencias e actividades culturais. Entre elas está este concerto do grupo portugués Senza, de música de fusión lusófona. 

Presentarán o seu segundo disco, Antes da Monção, inspirado na viaxe que fixeron a India. 

Vigo acolle durante os domingos de marzo, abril e maio a 12º edición do festival de Habaneras e Polifonía. O festival está organizado pola Asociación de Corais Polifónicas de Vigo (ACOPOVI), en colaboración coa concellería de Cultura do concello de Vigo. No festival participarán máis de corenta agrupacións corais tanto de Vigo como doutras localidades, como poden ser A Estrada, Lisboa, Bragança ou Burgos. 

Entrada libre ata completar capacidade  

O Liceo acollerá estas tres bandas nunha noite chea de música e enerxía.

V¡etnam vén dende Barcelona, mentres que Grima e Seda son dous grupos galegos, de Pontevedra e Vigo, respectivamente.

Anchord é unha banda de Girona de hardcore punk, mentres que Broadbay vén de Reino Unido co seu indie. Ambas bandas realizan una xira nacional xuntas que pasa polo Liceo Mutante.

The Riggos é un grupo vigués de punk-rock e rock formado no ano 2011 por Bruno Costas e Yago Ray Costas, aos que, tras varias formacións, únense Denis Carballás e Arturo Peixoto.

A pesar de que empezaron como un grupo de versións, hoxe en día contan cun amplo repertorio de cancións propias, ademais do seu primeiro LP, que leva o nome da banda.

Fugly e Whales son dúas das bandas portuguesas imprescindibles do ponorama europeo, cada unha co seu estilo a defender.

Fugly é unha banda de Porto formada por catro amigos, que xuntos crean unha das bandas máis ruidosas, puras e caóticas do garage rock portugués. 

Whales é un poderoso trío de mozos que mestura electónica e rock. 

Picadiscos María Faltri é unha proposta de María Faltri (compoñente do grupo de Folk Faltriqueira, voz en A Nena e o Grilo nun Barquiño, Gatuxo de Magín Blanco e creadora e voz do proxecto Fantasía coas palabras xunto con Jorge Juncal). Este espectáculo propón 55 minutos de diversión. 

María fai un repaso polos grandes éxitos da música infantil galega á vez que fai coreografías e animación para que os nenos e nenas non deixen de divertirse. Con ela leva unha biblioteca que os nenos e nenas poden ollar!!!

Concerto galaico-portugués. A artista galega fai un repaso melódico por algúns dos mellores poetas de Galicia e Portugal.

Mamá Cabra é un grupo de música infantil que iniciou a súa andadura no ano 2000 da man de Gloria Mosquera Roel, preparando cancións para as súas clases de Educación musical. Desde ese momento leva editados 10 traballos.

Empezaron coa idea de facer un disco: Cantos rodados, de dez temas que se baseaban en poemas de autores como Antonio G. Teijeiro, Concha Blanco, Ana María Fernández e Gloria Sánchez, para evolucionar a un espectáculo no que se artellan xogos para compartir un momento de ritmo, canto, audición e sobre todo movemento musical.