Son un cuarteto formado por voz, piano, contrabaixo e batería. Con eles lembraredes algúns dos hits que marcaron a historia da música. Joe Cocker, Michael Jackson, Tina Turner, Luz Casal, Elvis Presley, Queen e Police entre outros, estarán presentes no concerto sempre baixo a forma de entender a música do grupo, polo que as cancións serán versionadas, arranxadas e adaptadas ao cuarteto e aos estilos do Swing, Blues e Funky entre outros.
Radio Bulebule é un espectáculo baseado no libro-cd-dvd “Radio Bulebule” editado por Kalandraka Editora, na que se combinan cancións e interpretacións cos rexistros máis divertidos.
Abre as orellas! Sintoniza Radio Bulebule, a radio itinerante, radio ambulante, radio cantante, transmitindo para o mundo en linguaxe universal. Irrompe no dial a emisora que soñamos. A emisora que máis nos gusta. Porque dentro dela soa o universo todo, porque dentro dela todo o universo é música.
Brinca Vai! De aquí a acolá é un espectáculo baseado no libro-cd-dvd Brinca Vai!, editado por Kalandraka Editora, no que se combinan cancións, animacións e interpretacións cos ritmos e rexistros máis divertidos.
O cuarteto de Pablo Castaño é de tradición jazzística composto por saxofón , piano, contrabaixo e batería. Influenciado sen dúbida polos cuartetos e pequenos ensembles esenciais da historia do jazz liderados por instrumentos de ventos; dende Lester Young, Charlie Parker, John Coltrane e un longo etc Si ben unha das novas formacións que máis in úe neste grupo poda ser o de Wayne Shorter.
Alén do mar é un espectáculo co que Oscar Ibáñez nos invita a unha viaxe sonora que discorre polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta.
OSCAR IBÁÑEZ & TRIBO
Os Monifates son un dúo cunha ampla experiencia musical, formado por un músico e un artesán de instrumentos tradicionais que se encarga da confección dos instrumentos utilizados nas actuacións. Nacen cunha filosofía de transmitir un son diverso e dinámico.
Concerto de música tradicional onde este grupo repasa os éxitos de todos os discos publicados ata a data
Esta formación (gaitas, tambor, bombo, saxo, clarinete, acordeón, trompeta, trombón e bombardino) nace polo interese da Charanga O Fiadeiro na recuperación das antigas orquestras e tendo como referencia a Orquestra Os Padernes do Courel, principalmente do seu repertorio do que se nutre dende o ano 2008.
Foi en xuño de 2011 cando se presentou oficialmente este proxecto no Teatro Afundación de Vigo co motivo da gravación en directo do DVD da VII Gala Esta noite hai unha fía de oficios e labores da A. C. F. O Fiadeiro.
Verán é un velada chea de emocións para todos os públicos. Música, teatro, danza. Todo pode pasar en Verán.
Coa experiencia dos didácticos destes últimos anos. Odaiko trae Vaia banda, concerto didáctico musical, que se presenta como unha viaxe de catro intrépidos percusionistas. Nela van descubrir, e compartir novos instrumentos e ritmos. Conseguindo que os nenos e as nenas non deixen de interesarse en ningún momento do que está a pasar no escenario, mentres van descubrindo novos sons, guiados por estes viaxeiros.
