Concerto

A presentación do novo traballo de Guadi Galego, O mundo está parado, foi un evento coral no que a artista fíxose acompañar dos músicos que participaron na grabación e arranxos do disco así como colaboracións especiais para un evento único.

Nesta recta final Guadi Galego farase acompañar polo seu trío de ventos e cuarteto de corda, os mesmos que fixeron a grabación no seu día de O mundo está parado, nun concerto moi especial que se aproxima ao son do disco, mais con todos os alicientes da música en directo.

Avidan, quen visita por vez primeira Galicia, caracterízase por un rexistro vocal andróxino que, segundo a prensa especializada, ben pode evocar tanto a Jeff Buckely como a Nina Simone. Tras os seus inicios percorrendo os escenarios do seu país con Now That You’re Leaving, o seu primeiro EP, e a creación da súa banda, Asaf Avidan and the Mojos, o artista retomou a súa carreira en solitario.

Todo é percusión é un espectáculo didáctico de aproximadamente 45 minutos de duración destinado a todos os públicos.

O espectáculo levarase a cabo polo dúo de percusión Duas e dúas bailarinas de arte contemporáneo, que se identifican baixo o nome de Exire, co obxectivo principal de chegar ao Arte Total a través da unión das distintas artes: música, danza e teatro.

De Vacas é o proxecto musical das vocalistas Faia Díaz, Inés Salvado e Paula Romero, ao que decidiron incorporar a Guillerme Fernández (guitarra). Déronse a coñecer a través de internet cunha sorprendente versión do Gangnam Style, de Psy. E iso que, cando decidiron poñer en marcha o experimento, pretendían ser un grupo de versións das Spice Girls, pero Guillerme as convenceu para amplar o abano de artistas aos que versionar. 

"Somos Encaixe, unha potaxe musical nada das inquietudes e gustos musicais e artísticos de todos os que compoñemos esta formación vocal".
 
Todo esta variedade estilística converxe nunha aposta forte pola música elaborada neste país facendo versións vocais de grupos como Marful, Dhais ou Berrogüetto, aínda que tamén teñen un amplo repertorio de temas coñecidísimos de todos os estilos e todas as épocas.
 

Nesta proposta de rúa, máis informal e sen necesidades técnicas, misturámonos entre o público e movémonos por diferentes lugares mentres cantamos.
 
Somos Encaixe, unha potaxe musical nada das inquietudes e gustos musicais e artísticos de todos os que compoñemos esta formación vocal.
 
Todo esta variedade estilística converxe nunha aposta forte pola música elaborada neste país facendo versións vocais de grupos como Marful, Dhais ou Berrogüetto, aínda que tamén temos un amplo repertorio de temas coñecidísimos de todos os estilos e todas as épocas.
 

Gran Gran é o trío formado por Jordi (batería, metalófono e voz), Lucas (voz, guitarra eléctrica, sintetizadores) e Marcos (baixo eléctrico, visuais e voz). Veñen presentar o seu primeiro LP, con textos cantados en náhualt, portugués e castelán. 

As cancións creadas por Corbi móvense entre a fraxilidade, a dozura e o caos melódico. Só precisa unha guitarra e a súa voz para crear os seus universos.

Os músicos de Sabina escoitaron que os dos Rolling Stones adoitaban facer unhas jams especiais nalgún club das cidades que visitaba a mítica formación. Entón decidiron chamar a Pancho Varona e montar un concerto da banda de Sabina en Barcelona, aproveitando a visita do cantautor ao Sant Jordi. Así naceu en 2006 a Noche Sabinera.

Godspell é un dos musicais máis representados a nivel escolar e afeccionado da historia. Data de principios dos anos 70 e consiste nunha visión entre hippie e clown do evanxeo segundo San Mateo. A súa posta en escena é dinámica, colorista e alegre.

Nesta ocasión, o Grupo Avalón de Aula de Teatro Albatros representará este musical co obxectivo de recadar fondos para a ONG Pozos de Agua Mayo Rey, que busca incrementar e mellorar os pozos de auga en Camerún.

O grupo Canciones de  Nuestra Vida está composto por persoas aficionadas ao canto que se reúnen para cantar aquelas cancións que os acompañaron ao longo da súa vida. O obxectivo principal é que o público cante as cancións que recorde co coro, pasando así un bo rato xuntos.

Esta actividade desenvolvense no marco da iniciativa O valor da experiencia da área de Envellecemento Activo de Afundación, que ten como finalidade promover o papel activo dos maiores na sociedade e o voluntariado social e comunitario.