Concerto

O Gerhard Quartet créase no ano 2010, influenciado e guiado pola mestría do Cuarteto Casals, e desde ben pronto é considerado un dos grupos con máis proxección do país. O nome da formación quere render homenaxe á figura de Robert Gerhard, alumno de Arnold Schoenberg e un dos compositores cataláns máis recoñecidos do século  XX.

Programa:

I Parte

Wolfang Amadeus Mozart (1756-1791) | Cuarteto nº 15 en re menor, Op. 10 “Haydn”, Nº 2 Kv.421 (29’) | Allegro moderato | Andante | Menuetto e Trio. Allegretto | Allegretto ma non troppo

Iberia Sumergida está considerado como o mellor espectáculo homenaxe a Héroes del Silencio. Foron galardoados co premio Cover de Oro, organizado a nivel mundial polo club de fans oficial de Héroes onde un xurado especializado elixe o mellor cover da banda aragonesa.

Catalogada como unha das mellores bandas de versións de España, El último tributo recrea no seu espectáculo os temas máis emblemáticos e o mellor da discografía de El último de la fila, revivindo así aquela máxica etapa dos anos oitenta e noventa.

Cun potente directo, sete músicos no escenario e unha espectacular voz, El último tributo recrea coa máxima fidelidade o son e todos os matices do histórico repertorio de Manolo García e Quimi Portet.

No cuarto concerto desta tempada, o publico terá a oportunidade de escoitar unha das grandes obras corais do repertorio barroco, como é o Gloria de Vivaldi. Como sempre que a agrupación aborda este repertorio, faino co maior dos rigores da orquestra especializada e con instrumentos orixinais. A actuación contará ademais co Coro de Cámara Rías Baixas, con solistas da talla da soprano Eugenia Boix, o contratenor Gabriel Díaz, e cunha das figuras máis destacadas do violín dentro do panorama historicista: Lina Tur Bonet, que exercerá como solista ademais de como directora.

Resonans nace pola conxunción de cinco músicos que deciden unirse para profundar e difundir a interpretación de repertorio novo e descoñecido de cuarteto de cordas e bandeneón, e render homenaxe ao repertorio dos grandes mestres compositores de quinteto con piano.

As profundas interpretacións en conxunto de estes cinco virtuosos dan nova vida a obras coñecidas do repertorio, tales como as de Dvorak, Schumann, Brahms, Fauré ou Shostakovich, por citar algúns.

O guitarrista británico Jack Broadbent, na que será a súa primeira actuación en Galicia, tocará en Lugo o 28 de outubro dentro do ciclo Galicia Importa.

O músico foi definido polo Festival de Jazz de Montreux (Suíza) como “o novo mestre da slide guitar” e de quen outros músicos como Johny Halliday ou Bootsy Collins destacaron o seu carisma, autenticidade, calidade e a súa peculiar técnica á guitarra, que toca empregando unha petaca de whisky baleira.

Live Nation e Riff  Music presentan Oxígeno Tour, a nova xira de Malú. A cantante vive un dos anos máis especiais da súa carreira, que coincide no tempo co 20 aniversario de Aprendiz e co lanzamento de Oxígeno, duodécimo álbum da súa carreira, que se colocou no nº 1 da lista oficial de vendas durante dúas semanas consecutivas.

Rosendo Mercado, unha das figuras máis importantes do rock español, despídese cunha xira moi especial. Tras 45 anos no oficio, no momento máis sólido da súa carreira, Rosendo tómase un respiro nun camiño que non coñece o punto e aparte e queda en puntos suspensivos.

O pasado mes de xuño Nacho Vegas editou Violética (Marxophone, 2018). O álbum contén 18 temas e conta con diversas colaboracións, entre as que destacan as de Cristina Martínez, Christina  Rosenvinge ou María Rodés.

Nacho Vegas é, a día de hoxe, un dos artistas máis consolidados e respectados do noso país.

Furious Monkey House presenta o seu segundo disco: Love, Scum & Dust. Estes 5 mozos de Pontevedra gravaron o seu primeiro traballo, Run (Esmerarte/ AtresMúsica, 2015) nos famosos estudos de Abbey  Road e Planta  Sónica. Desde entón Furious Monkey House deixaron coa boca aberto ao mundo cunha calidade alucinante sobre o escenario e o seu repertorio de cancións pop e rock de aires noventeros.