Uxía, referente da música galega, e Javier Ruibal, un dos cantautores españois máis destacados, presentan un concerto en formato intimista no que nos convidan a transitar polas sonoridades do flamenco, a música do Magreb e as músicas galegas e lusófonas nunha mestizaxe única. Norte e sur tecendo ritmos e melodías, con composicións propias e ecos de Lorca, Alberti ou Rosalía.
O Concerto PunkInfantil é a nova tolemia de Brais das Hortas e Peter Punk Pallaso. Unha proposta a medio camiño entre un espectáculo teatral e un musical.
O novo espectáculo de Brais das Hortas e Peter Punk Pallaso flúe empregando a música como fío condutor, onde a técnica musical e a técnica teatral combínanse abríndoas cara a novos estilos e públicos. Un espectáculo musical e de clown para todos vos públicos
Dous músicos que chegan por equivocación a un mesmo escenario coa intención de ofrecer un concerto. O primeiro, un concerto infantil. O segundo, un concerto punk.
Iria Estévez, unha das cantantes máis valoradas da xeografía galega, presenta o seu traballo en solitario. Tras unha exitosa andadura dirixindo proxectos como Clave de FAdo (seleccionada polo INTERFADO de Cataluña) ou Arifi (gañadores do concurso internacional Castilla Folk) e colaborando con moitos outros, Iria Estévez mostra agora o seu lado máis íntimo con este novo proxecto: Atlántica.
Formada en 2018 por Brais Sánchez (guitarra e voz principal) e Beny Mayo (batería). Conta tamén con Daniel 'García' Carba (baixo eléctrico e voz) e André Garabato (Teclados).
The Midnight Boozers é nova banda formada no 2019 por encargo, é a banda residente no Riquela Club de Compostela.
Formada por Martín Esturao na guitarra e voces, Lolo Somoza na batería e coros e Borja García no contrabaixo e coros.
O repertorio e un tanto ecléptico, dende as baladas Country, pasando por psychobilly, o swing ou o rock &roll máis tradicional.
A acollida da banda está sendo moi positiva e pronto terá un rexistro sonoro, en breve pasaremos polo estudio para grabar o que será o noso 1º traballo como The Midnaight Boozers.
Sexteto do que forman parte Sabela King, Ramón Figueira “Figui”e Benjamín Vázquez. Estilísticamente móvense entre o blues, o country e o soul dos 50's 60's, adaptando versións dos clásicos destes xéneros e temas actuais.
Percorrido musical polos clásicos do vocal/jazz: Sinatra, Nina Simone, Jobim … Tamén adéntrase nos boleros e no repertorio clásico do gypsy jazz manouche dos tempos do seu creador Django Reinhardt nun espectáculo a guitarra sola acompañado pola sua voz.
O día 1 de agosto, dentro da programación Vigo en festas, actuará Sting. Será un dos concertos estelares do verán na cidade. Presentarase no auditorio ao aire libre de Castrelos. O cantante incluxe á cidade olívica dentro da xira Sting my songs
Soul&Roll propón un espectáculo musical acústico innovador que marca a diferenza co seu repertorio do mais completo e variado cuns arranxos músicales-vocais adaptados e traballados minuciosamente, unha voz, coros vocais, guitarras acústicas, baixo, ukelele, percusión menor, bombo e un "Loop Station" que permite tocar todos estes instrumentos e facelos soar á vez creando os bucles musicais máis espectaculares e sorprendentes que, peza a peza, constrúen os grandes éxitos que todo o mundo desexa escoitar en VIVO E RIGOROSO DIRECTO.
Hai moitas veces que as bandas necesitan un tempo para poñerse a funcionar. Este non é o caso.
Desde que King Sapo xuntáronse por primeira vez todo fluíu a unha velocidade de vertixe e foi collendo unha inercia que asusta. Sen nin sequera ter disco lanzado a afluencia de público nalgunhas cidades foi tremenda.
O boca a boca, a traxectoria previa dos seus músicos ( Eldorado, SCR, Última Experiencia, Wyoming e os Insolventes), os lanzamentos previos en Youtube facilitaron que 'Neno Gurú' saíse como un foguete.
