Tanxugueiras incrementa as revolucións do folk galego. Co seu disco de debut, un repertorio escollido para mostrar a esencia da tradición, Olaia Maneiro, Sabela Maneiro e Aida Tarrío chegaron a máis de 100 escenarios dentro e fóra das nosas fronteiras. Unha aposta sen corpiños enchida de virtuosismo e contundencia que continúa no seu segundo traballo, Contrapunto.
Banda homenaxe a Joaquín Sabina que, despois duns anos traballando cun formato máis intimista, agora preséntanse cunha banda máis grande e así afrontar en toda a súa dimensión o repertorio "Sabinario", facendo un repaso polos clásicos do mestre, cunha particular visión feminina, ao estar interpretados con voz de muller.
SABINARIA:
Julietta Barro
Jorge Quesada
Óscar Quintáns
Anxo Seco
Iago Mouriño
Alfredo García
Santi Araujo
As rúas parecen ser labirintos que coñezo ben, que me levan á catedral, canta Santi Araújo en «Catedral», a canción que dá título ao seu primeiro disco en solitario. E é que podes escapar de moitas cousas, irche, volver e volver irche; pero nunca poderás escapar, por laberíntico que sexa, do teu propio destino. O de Santi Araújo é escribir cancións. Ou, polo menos, manifestarse a través delas. Desempañar o seu propio espello para verse, aínda que máis maior e con máis pelo na cara, dunha maneira máis nítida, preclara, consciente e serena.
Frying Luras é un grupo de Rock nado en Vigo realizando temas propios. Os compoñentes iniciais do grupo foron Ruber á voz e á guitarra, Oliver e Coco á guitarra, Havi ao baixo e finalmente Rafa Graña á bateria. Co paso dos anos foi variando a formación. Ruber e Havi pasaron do baixo á guitarra e á trompeta, incorporando a Rafa á batería e Ignacio ao baixo, máis outros guitarristas como poden ser Juan Manuel (Kogito), Pablito fastfinger, e Gonzo (Alfeizar). A última incorporación ao grupo foi Okap (Paco), teclista e guitarra fichado da bela Rozlyn.
Desde 2007 LESUITEBAND destaca non só por unha posta en escena elegante e de gran calidade musical, se non tamén pola nosa capacidade de adaptacion a todo tipo de eventos, a nosa experiencia de máis de 10 anos proporciónanos unha maior capacidade de asesoramento.
LESUITEBAND é un proxecto de música en directo para todo tipo de eventos. Unha aposta decidida pola profesionalidade, unha capacidade de adaptación única apoiada en máis de 10 anos de experiencia.
Monoulious DOP nace en 2012 como un proxecto musical único e exclusivo para internet. A curiosidade de Ula e Mon, dous amigos de toda a vida, fai que empecen a subir videoclips que eles mismos producen e que coa forza das redes sociáis pronto contan co apoio do público. Este empuxe da xente é o que os anima a montar este proxecto. Un animado concerto en formato dúo acústico onde o humor e o elemento protagonista.
SonDaRúa é un grupo de rap galego, creado en Ponteareas no 2016, formado por Hugo Guezeta, Álex Arnoso e That Bass DJ.
O seu estilo resúmese en rap desenfadado con bastante contido instrumental, transmitindo bo rollo, mais cun trasfondo maioritariamente reivindicativo, de crítica social e política.
DixieTown presenta Ou Furacán o seu disco máis persoal e completo producido polo Neoyorkino Mike Mariconda e gravado nos estudos Tigruss de Gandía por Pepe Gomar con equipos completamente analóxicos en agosto de 2012.
A Casa dos ingleses é unha banda de pop. De cancións sinxelas e directas. Unha coidada estética tanto nas melodías como no escenario e unha pegada certeira caracterizan a este grupo de mozos galegos que pretenden facerse un oco na apertada escena nacional a base de traballo duro e boas cancións.
Desde 2012, ano en que deciden saír a tocar en directo, foron moitos e moi variados os concertos que ofreceron pola xeografía galega, resultando gañadores en varios concursos de nivel local e autonómico, como o «Liberty Music Play», o «Fest 2015», ou os «15 Birlos» en 2016.
Cantante-animadora: Laura de Gabriel
Músicos: Sergio Rodríguez, Diego Roca, Fernando Moure, Jorge Muñoz, Diego Martínez
Esta banda de música infantil recolle os clásicos populares galegos dándolles o seu toque particular, desde A Carolina “rapeada” ata O Jato “rockeiro”,…pasando por outros moitos temas tradicionais, todos eles moi dinámicos, facendo que todos os nenos e nenas presentes sexan partícipes deste “des-concerto”, cheo de bailes, xogos, coreografías e algunha que outra sorpresa!
