Concerto

Tributo Oficial a Pau Donés, un espectáculo homenaxe coa banda oficial de Jarabe de Palo que ofrecerá unha retrospectiva do valioso legado que deixou como músico, compositor e persoa.
 
 

O trío formado por Uxía (voz e percusión), Sèrgio Tanus (guitarra, viola caipira, cavaquiño e percusión de man) e Santiago Cribeiro (acordeón) celebrará 8 concertos para público familiar con repertorio propio do Nadal. Con eles darán a coñecer panxoliñas tradicionais e outras de nova creación que os participantes poderán recordar e aprender para cantar despois na casa.

Timbre marca o esperado regreso discográfico de Salvador Sobral. O cuarto álbum de estudio do músico portugués inclúe once novas cancións orixinais, dez delas compostas por Salvador en colaboración con Leo Aldrey, quen tamén asina a produción do álbum, e unha composta por Luisa Sobral.

Concerto no que a maxia e a ilusión dos magos de Oriente nos agasallan cunha simbiose entre a tradicional música de aninovo europea e as pezas lixeiras sinfónicas da nosa terra.

Os coros Ponte Mantible, Amigos de Compostela e Santa Susana interpretan panxoliñas para amenizar os últimos días do Nadal.

Escolanía da Catedral de Santiago e Orquestra Sons (Xandre Millet, director)

Michael's Legacy, avalado polo Michael Jackson Fan Club en España como o mellor espectáculo musical en directo sobre O Rei do Pop na actualidade, é unha homenaxe a Michael Jackson, creada pola Jackson Dance Company.

Recoñecidos como o maior espectáculo internacional homenaxe a dIRE sTRAITS, bROTHERS iN bAND recorre Europa visitando Holanda, Portugal, Alemaña, Francia, Luxemburgo, Andorra e España co seu renovado ”The Very Best of dIRE sTRAITS”, transportándonos na súa particular máquina do tempo a través dun repertorio seleccionado, coidado e extenso que xa pertence á memoria colectiva de varias xeracións a nivel mundial.

Neste 2024 Guadi Galego regresa cun novo espectáculo, Síntese Horizonte, expresamente concibido para representar, ao vivo, en tres únicas funcións sobre as táboas dos teatros de Galicia. Síntese Horizonte é unha aposta da propia Guadi Galego pola evolución do seu son, pois con cada disco, e con cada espectáculo, Guadi foi aprendendo a desaprender do establecido.

No esperado regreso de Rojuu aos escenarios para 2024, o artista non só deleitará aos seus fans cos éxitos que adoran, senón que tamén lles revelará un adianto exclusivo do seu próximo álbum. «Prólogo de Nube» transportaranos a diferentes estados mentais e anímicos desde os que Rojuu demandará a nosa máxima atención para descubrir os matices e significados ocultos.