A violonchelista Barbara Switalska pecha o ciclo Oculta Polifonía, no que en seis concertos se recuperaron varias obras de Bach. Switalska interpretará as Suites n.º 3 en Do maior, BWV 1009 e n.º 5 en Do menor, BWV 1011.
O concerto será no Paraninfo da Universidade.
Finisterrae son Bleuenn Le Friec e André Cebrián, que tocan arpa e frauta respectivamente. A agrupación nace en 2008 na Hochschule für Musik Detmold, en Alemaña, onde André e Bleuenn completan os seus estudos superiores. A súa formación musical lévaos a estudar nos conservatorios de Santiago de Compostela, Salamanca, San Sebastián, París e Frankfurt cos profesores máis prestixiosos do panorama musical actual.
Espiritualidade con voz de muller é a proposta de Vox Stellae para as Xornadas de música contemporánea. A agrupación nace en 2003 con motivo dunha conferencia do musicólogo José López Calo sobre a música na Catedral de Santiago. Un dos seus sinais de identidade é a difusión da música galega, tanto a dos arquivos das catedrais como a creación contemporánea e a música popular. Ofrece concertos regularmente por toda a xeografía galega, participou en actos institucionais e interpretou o seu programa didáctico O rodaballo con botas ante máis de 2.000 escolares.
A actuación da Real Filharmonía de Galicia, baixo a batuta de Paul Daniel, poralle o ramo ao X Ciclo de Música Relixiosa Barcia de Mera, un programa de música clásica que se desenvolve entre os meses de abril e setembro na igrexa barroca da parroquia de San Martiño de Barcia de Mera (Covelo), permitindo gozar da música nunha contorna que non é a habitual.
O coro de cámara Vox Stellae recuperará, tras a marcha do Pergamiño Vindel de Galicia, o interese e a fascinación polas creacións de Martín Códax.
O programa de música clásica desenvolverase entre os meses de abril e setembro na igrexa barroca da parroquia de San Martiño de Barcia de Mera (Covelo), permitindo gozar da música nunha contorna que non é a habitual.
O coro de cámara Rías Baixas interpretará obras de Morales e Victoria no quinto concerto do X Ciclo de Música Relixiosa Barcia de Mera. O programa de música clásica desenvolverase entre os meses de abril e setembro na igrexa barroca da parroquia de San Martiño de Barcia de Mera (Covelo), permitindo gozar da música nunha contorna que non é a habitual.
Continuarán o ciclo Vox Stellae o 25 de agosto, e pechará a Real Filharmonía de Galicia en setembro.
Unha novidade destacada desta X edición do Ciclo de Música Relixiosa Barcia de Mera é a produción da ópera Sor Angélica, de Giacomo Puccini, interpretada pola soprano Beatriz Díaz e a mezzosoprano Belén Elvira, solistas femininas do coro Vox Stellae, acompañadas ao piano de J.A. Álvarez Parejo
A Fundación María José Jove celebra os seus 15 anos de actividade co Concerto para Zapata e Orquesta, un espectáculo no que a Orquestra Sinfónica de Galicia actuará baixo a dirección do tenor José Manuel Zapata, cunha posta en escena dirixida polo humorista Paco Mir.
No concerto interpretarán obras de grandes compositores como Mozart, Chaikovski, Beethoven, Verdi, Rossini ou Strauss.
No proxecto Do Clásico a Bosa Nova, o Dúo Santoro pretende mostrar, a través da fusión fóra do común entre violonchelo, harmónica e percusión, os dous lados da música brasileira: o erudito, nacionalista e con referencias ao folclore; e o popular coa sofisticación do samba e da Bossa Nova.
Sebastián Durón foi tal vez o máis importante compositor español do seu tempo e responsable, segundo acusación do Padre Feijoo, da italianización da música española: é dicir, da súa vollta a Europa tras o asfixiante século XVII. Fahmi Alqhai e Núria Rial unirán os seus talentos musicais para dar nova vida a unha selecta colección de arias das súas obras escénicas, dedicadas ao inesgotable e sempre emocionante tema do amor. Acompañan a Durón os seus compañeiros de estilo italianos, vangardistas e rigurosamente contemporáneos como Alessandro Scarlatti y Bononcini.
