GiArt Dúo é unha formación composta por Gabriel Lezcano, tenor, e Ingrid Sotolarova, piano. Despois de colaborar xuntos en diversos proxectos, decidiron crear una formación estable, coa cal poder afrontar os retos musicais e persoais que se presentaran. As posibilidades da voz e do piano, nun solo conxunto fan que a formación poida abordar diferentes períodos musicais, compositores y xéneros (lied, zarzuela, ópera, música de cámara...).
O violín e o violonchelo no século XVII é a primeira entrega do ciclo Le nuove musiche. Música instrumental e vocal do século XVII, que contará con seis recitais nos próximos meses. O recital correrá da man do Ensemble Allettamento, un proxecto do violinista Mario Braña e da violonchelista Elsa Pidre.
O programa incorporará obras de Nicola Matteis, Domenico Gabrielli, Giovani Maria Bononcini, Pandolfi Mealli, Johann Jakob Walther, Tomaso Pegolotti e Arcangello Corelli.
A Coral Polifónica CVC de Valladares leva a súa música ao Teatro Afundación nunha actuación á que se pode acceder gratuitamente ata completar a capacidade da sala.
A gala estará dirixida por José Iglesias Ramilo e contará con Alejo Amoedo ao piano. Como solistas estarán as soprano Indra Sesti di Lucca e Teresa Iglesias, e o tenor Enrique Martín.
A Sociedade Coral Polifónica de Pontevedra actúa no Museo Centro Gaiás como parte das actividades relacionadas coa exposición Castelao maxistral. O autor de Rianxo foi cantor, fundador, escenógrafo e presidente da coral pontevedresa, e a formación conmemórao con este recital gratuíto, en que ademais se poderá apreciar un dos panos deseñados polo propio Castelao.
Formada mediante un coidadoso proceso de selección entre as novas xeracións de músicos recentemente saídos dos principais centros musicais do país (ESMUC, Conservatorio do Liceo, Muikene, Escola Superior de Música Raíña Sofía, Conservatorio Superior de Salamanca, Conservatorio Superior de Valencia etc.) e outros recentemente chegados dos centros musicais máis importantes de Europa, EEUU e Latinoamérica, a orquéstra Filharmonía Ibérica pretende ser un referente de calidade e profesionalidade dentro da nova xeración de orquestras europeas.
The Oscillation móvese entre a lucidez do krautrock e unha melancolía pop agridoce, tinguida de drons e de ruído inspirado no wave.
O grupo lembra á kosmische musik de Neu! e Tangerine Dream pero tocada cun ollo posto no punk/ funk de Public Image Ltd., o experimentalismo de Miles Davis e o blues rock de Spacemen 3. Presenta en Galicia o seu novo LP, composto por dúas longas e lisérxicas pezas.
A Orquestra Sinfónica de Galicia volve a Vigo co seguinte programa:
BRETT DEAN - Música para corda r sampler*
JEAN SIBELIUS - Concerto para violín en re menor, op. 47
DIMITRI SHOSTAKOVICH - Sinfonía nº 1 en fa menor, op. 10
O ciclo dedicado a dar a coñecer aos novos talentos da lírica en Galicia presenta a un xovencísimo contratenor, Alberto Miguélez.
A soprano compostelana Carmen Subrido, que regresa este ano aos escenarios operísticos coa súa participación en Il Pirata de Bellini, ofrecerá un recital con arias de ópera, romanzas de zarzuela e cancións, tres facetas da súa relevante carreira que a levaron a protagonizar montaxes como El barberillo de Lavapiés, do célebre Calixto Bieito para o Teatro de la Zarzuela de Madrid. Tras esta última actuación, a crítica dixo que “está chamada a ser unha das grandes do seu repertorio”.
Con Vivica Genaux como mezzosoprano e Borja Quiza de barítono, a Orquesta Barroca de Mateus baixo a dirección de Ricardo Bernardes, interpretará obras de Mozart, Hándel, Pergolesi, Broschi, Galuppi, e outros.
