A OV430 aborda o seu programa número 8 desta temporada viaxando ás refinadas músicas do século XVIII da man da súa Orquestra Barroca e baixo a dirección de José Manuel Navarro, un especialista en música antiga, colaborador habitual de prestixiosas formacións de música barroca en toda Europa.
A Banda Municipal de Música de Santiago, baixo a dirección de Casiano Mouriño Maquieira, ofrecerá un concerto de música clásica galega con motivo do Día das Letras Galegas, contando coa presenza do coro Cantorum Compostellana Coniunctio. O programa a seguir será o seguinte:
C. Mouriño: San Lourenzo de Nogueira, Pasodobre
M. Iglesias: Romaxe en Naseiro, Rapsodia Galega
B. del Río: A Lenda de Montelongo:
1. Preludio e coro de Fiadeiras
3. Cantos dos mozos a Lúa
A sede Afundación da cidade de Pontevedra acolle o día 16 de maio o concerto Día das Letras Galegas, promovido polo Consello da Cultura Galega e que se vén organizando desde 2011.
Nesta ocasión, o concerto será o escenario no que se estreará unha peza musical composta por Miguel Matamoro sobre un texto de María Victoria Moreno.
A actuación musical estará precedida por unha recepción oficial do alcalde Miguel Anxo Fernández Lores aos membros da Real Academia Galega e do Consello da Cultura no Café Moderno.
La mirada en las manos é un espectáculo de inclusión social a través das Artes. Consiste nunha visión multidisciplinar do imaxinario do clélebre pintor Pablo Picasso, trazando un percorrido polas súas etapas artísticas máis destacadas, desde a súa época realista ata o Guernica
O fío narrativo céntrase no personaxe de Picasso adulto e Picasso neno que están en continua comuñón. A Banda Municipal de Música de Coruña, a artista e creadora Rebeca Ponche e o dj Óscar Ramone poñerán banda sonora ao espectáculo.
Cuarteto Filhantrompia interpretará obras de Victoria, Teleman, Weber e Wagner no terceiro concerto do X Ciclo de Música Relixiosa Barcia de Mera . O programa de música clásica desenvolverase entre os meses de abril e setembro na igrexa barroca da parroquia de San Martiño de Barcia de Mera (Covelo), permitindo gozar da música nunha contorna que non é a habitual.
Continuarán o ciclo a produción da ópera Sor Angélica, de Puccini en xullo, o coro de Cámara Rias Baixas e Vox Stellae en agosto, e pechará a Real Filharmonía de Galicia en setembro.
Camerata Brigantina interpretará obras de Vivaldi no segundo concerto do X Ciclo de música relixiosa Barcia de Mera. O programa de música clásica desenvolverase entre os meses de abril e setembro na igrexa barroca da parroquia de San Martiño de Barcia de Mera (Covelo), permitindo gozar da música nunha contorna que non é a habitual.
A Orquestra de Cámara Galega abre o X Ciclo de música relixiosa Barcia de Mera cun concerto no que interpretarán obras de Mozart, Elgar e Groba. O programa de música clásica desenvolverase entre os meses de abril e setembro na igrexa barroca da parroquia de San Martiño de Barcia de Mera (Covelo), permitindo gozar da música nunha contorna que non é a habitual.
Todo o mundo sabe que a música clásica influíu na creación do pop e o rock, pero como influíron estes á súa vez na música clásica?
Este programa mostra a visión de compositores clásicos contemporáneos como J. Corigliano, M. Daugherty ou Javier L. de Guereña sobre as figuras emblemáticas da cultura pop e rock, como Elvis Presley, Siniestro Total ou Bob Dylan.
A Orquestra Sinfónica de Galicia, en colaboración coa Sociedad Filarmónica de Vigo e Afundación, ofrecerá este concerto dirixido por Iván Martín.
Programa:
Amadis de Gaula: obertura - J. C. Bach
Concerto para piano e orquestra n. 13, en do maior, K 415 - W. A. Mozart
Colage über Bach - A. Part
Concerto para piano e orquestra n.15, en si bemol maior, K 450 - W. A. Mozart
Con Óliver Díaz como condutor e Xavier de Maistre como arpa solista, a Orquestra Sinfónica de Galicia interpretará o seguinte repertorio:
Images d' Espagne, Rapsodia para orquestra - Y. Svetlanov
Concerto para arpa e orquestra, en mi bemol maior, op. 74 - R. Glière
Suite n. 3, en sol maior, op. 55 - P. I. Tchaikovsky
