A Sociedade Filarmónica Ferrolá trae á RFG que interpretará o Concerto Per Parigi en do maior Rv114 e o Salmo Laudate Pueri Rv600 de Vivaldi, e a Sinfonía n. 26 en do menor G519 de Boccherini. Dirección: Enrico Onofri. Soprano: Francesca Aspromonte.
No 50º aniversario dos acontecementos do 10 de marzo de 1972, este virtuoso quinteto de vento metal interpretará entre outras, a peza "FERROL 1972" composta por Juan Durán especialmente para que a súa estrea teña lugar neste concerto.
Hércules Brass nace na Coruña no ano 2012 e está formado por mozos profesionais de vento metal cunha longa experiencia tocando xuntos, principalmente na Nova Orquestra Sinfónica de Galicia e na Nova Orquestra Nacional de España.
Orfeo ed Euridice
SARA MINGARDO, mezzosoprano - Orfeo
JONE MARTÍNEZ, soprano - Euridice
BERIT NORBAKKEN, soprano - Amor
CORO DA OSG
JAVIER FAJARDO, director do coro
CARLOS MENA, director
Concerto en colaboración coa Sociedade Filarmónica Ferrolá
Múltiple é o sinal dun colectivo de artistas que busca espazos de desenvolvemento e crecemento a través de variadas iniciativas artísticas. Cunha ampla experiencia no campo da interpretación e a docencia, e con proxectos presentados en países como Alemaña, Francia, Italia, Portugal, Grecia, Bélxica ou Austria, pretenden dinamizar un itinerario no que a arte do presente cohabita en múltiples contextos.
Leticia Rey , natural da localidade pontevedresa de Vila de Cruces, empezou a ter visibilidade no mundo musical ao gañar en 2020 o certame que convoca Estudos Mans, da Fundación Paideia. No ano seguinte comezou a compaxinar as actuacións en directo coa preparación do seu primeiro EP, que foi estreado no Culturgal 2021 con tres temas en inglés e un en castelán.
Coa participación do Quinteto Cimarrón e a Orquestra Gaos, trátase dun traballo con tres vertentes ben marcadas: a sinfónica, a jazzística e a tradicional.
Na vertente sinfónica destacamos o traballo de interacción entre o Quinteto Cimarrón e a Orquestra Gaos, as cores logradas nos matices, nos golpes de arco utilizados e que debuxan efectos variados para lograr transmitir diferentes estados de ánimo, todo isto grazas a unha técnica moi depurada debido ao estudo sistemático de todos os integrantes deste proxecto, no que se manifesta a calidade do ensino clásico en Galicia e Cuba.
Kevin Zhu, gañador máis novo na historia do prestixioso Concurso Paganini, interpretará conxuntamente co pianista francés Julien Quentin un programa que reúne obras inspiradas no belcanto e na tradicicón operística que tanto inspiraron aos grandes intérpretes e compositores da historia do violín.
Este asombroso documental segue a vida dun esquimal, Nanook, e a súa familia mentres viaxan, buscan comida e comercian na península de Ungava, no norte de Quebec, Canadá. Realizada por Robert Flaherty, un home sen coñecementos previos de cinematografía e cun modesto equipo que acabou sentando as bases do cinema documental moderno.
R. Schumann · Adagio e Allegro op 70
P. Hindemith · Sonata para viola e piano op 11 nº 4
G. Enescu · Peza de concerto para viola e piano
H. Vieuxtemps · Elegie para viola e piano
M. de Falla · Suite popular española para viola e piano
Formada mediante un coidadoso proceso de selección entre as novas xeracións de músicos recentemente saídos dos principais centros musicais do país (ESMUC, Conservatorio do Liceo, Muikene, Escola Superior de Música Raíña Sofía, Conservatorio Superior de Salamanca, Conservatorio Superior de Valencia, etc.) e outros recentemente chegados dos centros musicais máis importantes de Europa, Ucraína, Rusia, Moldavia, Rumania, EEUU e Latinoamérica. Orquéstraa Filharmonía Ibérica pretende ser un referente de calidade e profesionalidade dentro da nova xeración de orquestras europeas.
