Santiago de Compostela, 23 de outubro de 2025

A Xunta de Galicia e o Instituto de Ciencias do Patrimonio (Incipit-CSIC) impulsan a instalación artística Arqueoloxía da festa, que se pode visitar de maneira gratuíta no Museo Gaiás ata o vindeiro 23 de novembro. A proposta rastrea os sedimentos acústicos dun campo da festa abandonado en Portomouro (Val do Dubra), revelando a diversidade de pegadas humanas e naturais na paisaxe e as súas transformacións.

Coímbra (Portugal), 22 de outubro de 2025

O director da Axencia Galega das Industrias Culturais, Jacobo Sutil, participou hoxe na apertura da ‘Mostra Galiza Coimbra 2025’, que durante os vindeiros 10 días reúne na devandita cidade portuguesa unha selección de espectáculos escénicos de produción galega e moitas outras actividades musicais, artísticas e formativas co obxectivo de continuar a reforzar o intercambio creativo e os vínculos culturais con Portugal.

Valladolid, 22 de outubro de 2025

Unha delegación de 13 compañías e distribuidoras galegas de teatro e danza operan estes días desde a feira sectorial Mercartes, que se desenvolve en Valladolid cada dous anos baixo a organización da federación estatal FAETEDA e da Red Española de Teatros, Auditorios, Festivales y Circuitos de Titularidad Pública (La Red) para reunir axentes da cadea de valor do sector co obxectivo de xerar oportunidades de negocio, fomentar o intercambio profesional e consolidar vías de colaboración tanto a nivel nacional como internacional.

Santiago de Compostela, 22 de outubro de 2025

O director xeral de Cultura, Anxo M. Lorenzo, inaugurou hoxe no Museo Centro Gaiás a exposición fotográfica Contemos Multitudes. Dano Cerebral Adquirido: onde as cousas volven a estar ben, que propón visibilizar a realidade das persoas que conviven con esta discapacidade. A iniciativa,  liderada por Dano Cerebral Galicia, conta co apoio da Xunta de Galicia a través das Consellerías de Cultura, Lingua e Xuventude e de Política Social e Igualdade.

Santiago de Compostela, 22 de outubro de 2025

O director xeral de Cultura, Anxo M. Lorenzo, inaugurou hoxe a mostra Contando películas: a evolución do espectáculo cinematográfico en Galicia con motivo do Día das Bibliotecas. A exposición, que poderá visitarse de balde ata o 31 de maio no vestíbulo da Biblioteca de Galicia, realiza un percorrido pola historia do cinema na nosa comunidade desde os seus inicios ata a actualidade.

A Coruña, 22 de outubro de 2025

O conselleiro de Cultura, Lingua e Xuventude, José López Campos, puxo hoxe en valor o papel dos arquivos “na salvagarda da nosa historia” e como institucións “claves para a investigación e o coñecemento”. Fíxoo durante a inauguración da exposición que conmemora o 250 aniversario da creación do Arquivo do Reino de Galicia, que comezou a súa andadura o 22 de outubro de 1775.

Santiago de Compostela, 22 de outubro de 2025

O secretario xeral da Lingua, Valentín García, destacou hoxe “o valor que ten para a nosa lingua que dúas figuras de relevancia para a nosa cultura a utilizaran no intercambio de cartas na súa época”. Así o afirmou na presentación do libro Correspondencia 1965-2014, publicado pola Editorial Galaxia, e que recolle as epístolas que intercambiaron nesa época Xosé Neira Vilas e Xesús Alonso Montero.

Pontevedra, 21 de outubro de 2025

O conselleiro de Cultura, Lingua e Xuventude, José López Campos, destacou hoxe a “relevancia histórica, social e cultural” do expediente da Declaración de herdeiros de Alfonso Daniel Rodríguez Castelao, que xa está a ser custodiado no Arquivo Histórico Provincial de Pontevedra e que pode ser consultado por investigadores. No entanto, adiantou que tamén estará dispoñible na Biblioteca dixital de Galicia Galiciana para que sexa accesible a toda a cidadanía.

A Coruña, 21 de outubro de 2025

A delegada da Xunta de Galicia, Belén do Campo, asistiu á primeira das actuacións do proxecto educativo “Ópera Kids”, promovido pola Asociación de Amigos da Ópera co respaldo da Xunta de Galicia. Esta iniciativa achega aos nenos e nenas ao mundo da ópera, utilizando a transversalidade deste xénero artístico para fomentar aspectos artísticos, culturais e sociais entre os máis novos.