Vigo, 4 de febreiro de 2026

A Xunta de Galicia contribúe á programación cultural da cidade de Vigo para este primeiro semestre de 2026 con 24 citas escénicas e musicais, que se desenvolverán no Auditorio Municipal a través da Rede Galega de Teatros e Auditorios, circuíto de exhibición cofinanciado pola consellería de Cultura, Lingua e Xuventude e polas entidades locais asociadas.

Santiago de Compostela, 5 de febreiro de 2026

O Diario Oficial de Galicia publica hoxe o decreto que regula a creación, modificación e disolución dos centros museísticos en Galicia. A Xunta conclúe así a tramitación da norma que desenvolve a Lei de Museos aprobada en 2021 e que dotou ao sector dun marco xurídico propio que non existía con anterioridade.  

Carballo (A Coruña), 4 de febreiro de 2026

Vedra  (A Coruña), 4 de febreiro de 2026

A delegada da Xunta, Belén do Campo, acompañada polo alcalde de Vedra, Carlos Martínez e polo director territorial da Consellería de Cultura, Lingua e Xuventude, Severino Álvarez, e polo párroco José Piso, realizou unha visita a Igrexa de San Fins de Sales para comprobar da mando seu restaurador , Javier García-Lozano, o avance dos traballos de restauración, adxudicadas o 9 de xaneiro, que se están a desenvolver, que terán unha duración de 4 meses e que contan cun orzamento de máis de 62.000 euros.

Santiago de Compostela, 4 de febreiro de 2026

O conselleiro de Cultura, Lingua e Xuventude, José López Campos, inaugurou esta mañá no Museo Centro Gaiás a exposición Mundo expandido. Entre o físico e o virtual. Conformada por máis de 80 obras que inclúen instalacións interactivas, videoxogos, obxectos históricos e pezas artísticas, esta mostra de Fundación Telefónica explora os límites da realidade física e da simulación dixital e afonda na omnipresenza dos mundos virtuais na nosa sociedade.

París (Francia), 3 de febreiro de 2026.- O conselleiro de Cultura, Lingua e Xuventude, José López Campos, reuniuse hoxe en París co subdirector de Cultura da Unesco, Ernesto Ottone, e o embaixador de España ante este organismo, Miquel Iceta, co obxecto de seguir “perfilando e ultimando” a estratexia da candidatura da Ribeira Sacra a Patrimonio Mundial para os vindeiros meses, ante a avaliación que terá lugar en xullo no Comité deste organismo, que se celebrará en Corea do Sur.

Lugo, 2 de febreiro de 2026

A Xunta de Galicia destinará este ano máis de 6,5 millóns de euros a impulsar o sector audiovisual galego, segundo avanzou hoxe o delegado territorial de Lugo, Javier Arias, durante o anuncio dos finalistas dos premios Mestre Mateo, que concede a Academia Galega do Audiovisual.

Santiago de Compostela, 2 de febreiro de 2026

O conselleiro de Educación Ciencia, Universidades e FP, Román Rodríguez, acompañado polo secretario xeral de Universidades, José Alberto Díez, e polo secretario xeral da Lingua, Valentín García, participou hoxe na presentación dun documental sobre a figura de Otero Pedrayo no marco dos actos conmemorativos do 50 aniversario do seu pasamento e do Ano Oteriano impulsados pola fundación do escritor de Trasalba e que contan co apoio da Xunta de Galicia.

A Coruña, 2 de febreiro de 2026

 A Filmoteca de Galicia dedica en febreiro o eixo principal da súa carteleira na sala José Sellier ao ciclo Hiroshi Shimizu, o arte de perderse, realizado en colaboración coa Fundación Xapón, ao tempo que programa o inicio do especial sobre as colaboración entre Béla Tarr e László Krasznahorkai. Outras citas importantes da súa actividade mensual serán a visita de José Luis Guerin dentro da conmemoración dos 20 anos de Cinema en curso e co seu filme Historias del buen valle.  

Santiago de Compostela, 3 de febreiro de 2026

A Xunta de Galicia acaba de conceder o VIII Premio CGAC de investigación e ensaio á graduada en historia da arte Raquel Alonso Docampo, polo traballo Procesando interrogantes. Apuntamentos arredor da relación entre arte e tecnoloxía. Así se recolle na resolución publicada hoxe no Diario Oficial de Galicia, na que se precisa que o galardón está dotado con 3.000 euros.