O Consello da Xunta autorizou hoxe as bases e a próxima publicación, en réxime de concorrencia non competitiva, da convocatoria de axudas para a realización de rodaxes en Galicia durante 2026, a través da que o sector audiovisual galego poderá optar este ano a un total de 2,2 M€ para a filmación de películas e series no territorio da nosa Comunidade.
Santiago de Compostela, 22 de marzo de 2026
A Xunta de Galicia acaba de adxudicar as obras de restauración e posta en valor da sancristía e do coro alto da igrexa do Mosteiro de Oia cun orzamento de preto de 390.000 €. Trátase dunha actuación que conta coa cofinanciación da Unión Europea no marco do Programa Galicia Feder 2021-2027, neste caso no marco da partida destinada aos mosteiros e bens singulares do Camiño de Santiago na provincia de Pontevedra.
Lugo, 21 de marzo de 2026
O conselleiro de Cultura, Lingua e Xuventude, José López Campos, asistiu hoxe a Primavera Voces Xoves, o festival que se celebra ao longo da tarde de hoxe e no que participan as formacións Coro Xuvenil de Lugo, organizador da cita, o Minicoro da Esmuvi de Vilalba, o Coro Xuvenil Sauti Yangu de Guntín e o Xove Coro de Lugo.
Lugo, 21 de marzo de 2026
A Coruña, 21 de marzo de 2026
A delegada da Xunta, Belén do Campo, asistiu ao acto de presentación da Meiga Maior, Meiga Maior Infantil, Meigas de Honor e Meigas de Honor Infantís das Hogueras-26, organizado pola Asociación de Meigas das Fogueiras de San Xoán de A Coruña.
Santiago de Compostela, 20 de marzo de 2026
O conselleiro de Cultura, Lingua e Xuventude, José López Campos, presenciou hoxe no Salón Teatro a obra Hamlet, espectáculo do Centro Dramático Galego con dirección de Tito Asorey que se estreou onte, e na que o representante do Goberno autonómico xa tivera a oportunidade de mergullarse coa súa visita hai uns días aos ensaios da peza.
A Coruña, 20 de marzo de 2026
A delegada territorial da Xunta na Coruña asistiu hoxe, xunto coa alcaldesa de Triacastela, Olga Iglesias, á presentación do documental O camiño de Cova Eirós na Filmoteca de Galicia na cidade da Coruña, unha produción dirixida por Xosé González Varela que pon en valor un dos achados máis relevantes da arqueoloxía galega recente.
Lugo, 19 de marzo de 2026
O delegado territorial da Xunta en Lugo, Javier Arias, mantivo unha xuntanza con Diego Campo, presidente da asociación cultural Fanto Fantini, que organiza o festival Osa do Mar, para avanzar nas vías de colaboración de cara á próxima edición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa.
Ferrol, 18 de marzo de 2026
O director xeral de Patrimonio Cultural, Ángel Miramontes, visitou hoxe aos participantes na campaña arqueolóxica submariña na que colaboran a Xunta de Galicia, a Policía Nacional adscrita de Galicia e a Armada co fin de localizar pecios históricos na área do Golfo Ártabro correspondente coas rías da Coruña, Betanzos, Ares e Ferrol.
Vigo, 18 de marzo de 2026
A Xunta de Galicia a Deputación de Pontevedra presentarán en abril o proxecto de execución para o Teatro Cine Fraga realizado polo equipo de César Portela e co que se iniciará o trámite para licitar as obras antes do verán. Así o anunciaron hoxe o conselleiro de Cultura, Lingua e Xuventude, José López Campos e o presidente da Deputación de Pontevedra, Luís López, antes de participar nunha das visitas organizadas por ambas as dúas administracións para coñecer este espazo.
