Santiago de Compostela, 12 de marzo de 2026

O director xeral de Cultura, Anxo M. Lorenzo, participou hoxe na presentación do calendario das Feiras do Libro de 2026, no que colaboran a Xunta de Galicia e a Federación de Librarías de Galicia, e que este ano percorrerá 13 municipios galegos desde o 23 de abril e ata o 29 de agosto dando lugar a máis de 80 días de actividade cultural.

A Coruña, 10 de marzo de 2026

O conselleiro de Cultura, Lingua e Xuventude, José López Campos, e o presidente de Afundación, a obra social ABANCA, Miguel Ángel Escotet, inauguraron hoxe a exposición Outras historias posibles na sede de Afundación na Coruña. A mostra, que se pode visitar ata o 30 de maio, promove unha mirada máis diversa sobre a arte contemporánea galega a través  das traxectorias de seis destacadas creadoras: Ana García Pan, Emilia Guimeráns, Anne Heyvaert, Tusi Sandoval, Blanca Silva e Laura Terré.

Santiago de Compostela, 10 de marzo de 2026

O conselleiro de Cultura, Lingua e Xuventude, José López Campos, inaugurou hoxe a exposición Mulleres Sobranceiras. Luísa Villalta. Música, palabra e compromiso no Arquivo de Galicia como parte da programación da Xunta de Galicia con motivo do Día Internacional da Muller. Trátase dunha mostra que recupera parte dos fondos persoais da autora, recentemente cedidos pola familia, e que pode visitarse ata o vindeiro mes de decembro.

Campo Lameiro (Pontevedra), 10 de marzo de 2026

A Xunta de Galicia arrinca a temporada de primavera no Parque Arqueolóxico de Arte Rupestre de Campo Lameiro cunha proposta cultural para todos os públicos que combina obradoiros de arqueoloxía, experiencias creativas e visitas guiadas nocturnas. A programación, que se desenvolverá de abril a xuño, dá comezo en Semana Santa.

Santiago de Compostela, 10 de marzo de 2026

A Xunta resolveu a convocatoria de subvencións de 2026 para o fomento da contratación de música galega nos festivais profesionais que se celebran na nosa Comunidade, pola que se distribúen 80.000 euros para que 47 bandas e artistas do país formen parte das carteleiras de oito eventos.

Madrid, 6 de marzo de 2026.- A Xunta de Galicia está apoiando a proxección nacional e internacional de creacións galegas nas feiras internacionais que se están a celebrar en Madrid pola “enorme repercusión e difusión que supoñen do talento dos nosos artistas e o relevante papel que exercen para establecer pontes e sinerxías con profesionais de todo o mundo”. Así o salientou o director xeral de Cultura, Anxo M.

O Consello da Xunta autorizou hoxe a sinatura do convenio anual entre a Axencia Galega das Industrias Culturais e a Academia Galega do Audiovisual, en virtude do que o Goberno autonómico renova a súa contribución de 70.000 euros para a organización da 24ª edición dos Premios Mestre Mateo. A dotación desta colaboración mantense na mesma cifra que o pasado 2025, ano no que incrementara nun 16% respecto a 2024.

Santiago de Compostela, 8 de marzo de 2026

A Xunta de Galicia programará unha xornada lúdica na Cidade da Cultura arredor do potencial artístico e creativo do xogo. Será o vindeiro sábado 14 de marzo cando, ao longo de toda a xornada, se desenvolverá no Museo Centro Gaiás un amplo abano de actividades que inclúen desde instalacións sensoriais e arquitecturas inchables ata obradoiros creativos de experimentación artística.

Santiago de Compostela, 8 de marzo de 2026

O presidente da Xunta, Alfonso Rueda, mantivo unha reunión esta semana coa pianista Isabel Dobarro para darlle os parabéns en persoa polo seu Grammy latino.

A pianista compostelá recibiu o galardón a Mellor Álbum de Música Clásica o pasado 13 de novembro polo seu traballo Kaleidoscope. É a primeira galega en gañar un Premio Grammy Latino na categoría de música clásica, e a cuarta en gañalo en calquera categoría.